Popular Bible Verses from फिलिप्पियो 1

Share

म्हनै इण बात रौ पूरौ भरोसौ है के, जिकौ सुभ कांम परमेसर थांरा बीच में सरु करयौ, यीसु मसीह रा पाछा आवणा रा दिन तांई परमेसर ही इण कांम नै पूरौ करैला।

परमेसर ऊं आ विणती करूं हूं के, थौरो परैम, ग्यांन अर बुद्धि बढ़ती जावै। ताकी थै बड़िया ऊं बड़िया बातां नै जांणौ अर मसीह रा पाछा आवणा दिन तांई, पवितर अर निरदोस रैवौ।

क्यूंकै म्हारै वास्तै जीवतौ रैवणौ मसीह है अर मरुला, तो उणरै खनै पूग जाऊंला।

म्हैं जद जद थांनै याद करूं, तो अपांरा परमेसर नै थौरे वास्तै धन्यवाद दूं हूं।

थै इण बात रौ ध्यांन राखजौ के, थौरो चाल-चलण मसीह रा सुभ संदेस जैड़ौ रैवणौ चाहीजै। भलै ई म्हैं थौरे खनै आऊं या आगौ रैवूं। म्हैं थौरे बारै में ओहीज सुणणौ चावूं के, थै पवितर आतमा में मजबुत अर एक चित रेन सुभ संदेस रै वास्तै भरोसा ऊं कांम करौ।

म्हारी तो आहीज मोटी इछा अर आस है के, म्हैं जीवतौ रैवूं के मरु, म्हनै किणी बात ऊं नीचो नीं देखणौ पड़ै। पर म्हारी काया ऊं यीसु मसीह री बड़ाई हमेसां होती रैवै।

थौरे माथै आ दया इण वास्तै होई क्यूंकै थै मसीह माथै विसवास भी करयौ अर दुख भी झेलो हो।