Popular Bible Verses from मरकुस 6

Share

वो उणौनै कयौ, “आओ अपां किणी न्यारी जगा चालनै थोड़ो आराम करौ।” क्यूंकै उठै घणा लोग आता-जाता हा अर उणौनै खावणा रौ मौकौ ई नीं मिळतौ हो।

यीसु उणौ ऊं कयौ, “भविसयदाता रौ आपरौ देस, अर आपरौ परिवार, अर आपरौ घर नै छोड़ और सगळी जगा मांन मिळै।”

जद यीसु नाव ऊं उतरनै मोटी भीड़ देखी, अर यीसु नै उणौ माथै तरस खायौ। क्यूंकै वे उण लरड़िया ज्यूं है, जिणरौ कोई चराणियो नीं हो। अर वो उणौ नै घणी सारी बातां सिखावण लागौ।

इण वास्तै वे उठै कोई सामरथ रा कांम नीं कर सकया, सिरफ थोड़ाक बिमारो माथै हाथ राखनै उणौनै सावळ करया। यीसु उणौरै विसवास री कमी माथै अचूम्बो करयौ। अर पछै यीसु च्यांरूमेर रा हैंग गांवों में उपदेस करता रिया।

यीसु पांच रोटियां अर दो मछलिया नै हाथ मे ली अर सरग री और देखनै परमेसर नै धन्यवाद दियौ, अर रोटियां तोड़-तोड़नै चेलौ नै देतो गियौ की वे लोगां नै परोसे अर वे दो मछलिया भी उण सगळौ में बांट दी। सगळा खाने धापगा। सगळौ रै धाप नै जिमणा रै पछै बारैह छाबड़िया रोटी अर मछलियो रा टुकड़ा चेलौ खनै बचग्या हा।