Popular Bible Verses from मती 19

Share

यीसु उणौरै सांमै देखनै कयौ, “मिनखौ ऊं तो ओ कोनीं हो सकै, पण परमेसर ऊं ओ सगळौ हो सकै है।”

अबै वो दो कोनीं पण एक तन है। इण वास्तै जिकौ परमेसर जोड़िया है उणनै मिनख अलग नीं करै।”

यीसु जबाब दियौ, “कांई थै पढ़ियो कोनीं की परमेसर नै सरूआत ऊं ही मिनख अर लुगाई बणाया? अर परमेसर कयौ, ‘इण कारण मिनख आपरै मां-बाप ऊं न्यारौ होयनै आपरी लुगाई रै साथै रैला अर वे दोनूं एक तन होई।’

यीसु कयौ, “टाबरां नै म्हारै खनै आवण दो रोको मती क्यूंकै सरग रौ राज ऐड़ौ रौ ही है।”

पण घणा लोग, जिकौ आगै है वो लारै हो जावैला। अर घणा लोग जिकौ लारै है वो आगै हो जावैला।”

अर जिकौ कोई नै घरो, या भाइयो, या बहिनों, या बाप, या मां, या बाल-टाबरों, या खेतो नै म्हारै नाम रै वास्तै छोड़ दिया है, उणौनै सौ गुणा मिळैला। अर वो अनत जीवन रा हकदार होवैला।

यीसु उणनै कयौ, “थूं सिद्ध होवणौ चावै है तो जा, थारी सगळी जायदाद बेचनै गरीबो नै दे दे, अर थनै सरग में साचौ धन मिळैला। अर आयनै म्हारै लारै वहीर हो जा।”

यीसु उणनै कयौ, “थूं म्हारै ऊं भलाई रै बारै में क्यूं पूछै है? भलौ तो परमेसर एक इज है, पण जे थूं अनत जीवन में परवेस करणौ चावै, तो उणरी आग्याओं नै मानया कर।”

थौरे ऊं भळै कहूं की परमेसर रै राज में धनवान रै परवेस करणै ऊं तो ऊंट रौ सुई रै नाके में ऊं निकळ जांणौ घणौ सरल है।”

म्हैं थौरे ऊं कहूं की व्यभिचार नै छोड़नै और कोई कारण ऊं आपरी लुगाई नै छोड़नै दूजी ऊं ब्याव करै, तो वो व्यभिचार करै है।”

यीसु आपरै चेलौ नै कयौ, “म्हैं थौरे हूं साचौ कहूं की धनवान रौ सरग रै राज में परवेस करणौ मुसकिल है।