Popular Bible Verses from लूका 8

Share

अर बड़िया जमीन मे पड़िया बीज वे लोग है, जिकौ वचन सुणनै उणनै भलै अर चौखै मन ऊं मांनै अर धीरज ऊं फळ लावै।

झाड़ियौ में पड़िया बीज वे लोग है, जिकौ सुणै तो है, पण आगै जायनै चिंता, धन अर जीवन रै सुखो में फस जावै अर उणौ मे वचन नीं फळै।

पथरीली जमीन मे पड़िया बीज वे लोग है, जिकौ आंणंद ऊं वचन नै मांनै, पण उणरी जड़ नीं पकड़े है। वे थोड़ी जेज तांई विसवास राखै है, बल्कि परीकसा रै वगत भटक जावै है।

पछै यीसु चेलौ नै कयौ, “कठै गियौ थौरो विसवास?” पण वे डरगा हा अर अचूम्बे ऊं एक दूजा नै कैवण लागा, “ओ कुण है? जिकौ आंधी अर पांणी नै भी हुकम दैवै अर वे इणरै हुकम नै मांनै भी है।”

मारग रै किनारै पड़िया बीज वे लोग है जिकौ वचन सुणै अर सैतान आयनै उणौरै मन मे ऊं वचन निकाळ नै ले जावै, ताकी ऐड़ौ नीं हो की वे विसवास करनै उद्धार पावै।

कीं भी लुकयोड़ो कोनीं, जिकौ सांमै नीं आवैला। कीं भी छानौ कोनीं, जिकौ परगट नीं होवैला।

जद लुगाई देख्यौ की वां लुक नीं सकै, तो वां कांपती होई आई, अर यीसु रै पगां में पड़नै सगळै लोगां रै सांमै बतायौ, की वां कीण कारण ऊं यीसु रै हाथ लगायो अर कीकर तुरत सावळ होई। यीसु उणनै कयौ, “बेटी थारै विसवास थनै सावळ की है। राजी खुसी ऊं जा।”

तो चेला डरनै यीसु खनै आया अर उणनै जगायनै कैवण लागा, “हे मालिक, हे मालिक! म्हौ डूबण वाळा हों।” तो यीसु उठनै आंधी नै अर पांणी नै हुकम दियौ तो वे थम गी, अर उठै घणी सानति होई।