Popular Bible Verses from इब्रानियो 2

Share

क्यूंकै जद उणै परीकसा री दसा में दुख उठायौ, तो वो उण री भी मदद कर सकै है, जिणरी परीकसा होवै है।

इण वास्तै जद की छोरा मांस अर लोई रा भागी है, तो वो आप ही उणौरै ज्यूं उणौरौ सहभागी हो गियौ, ताकी अपणी मौत रै जरियै वो उणनै मतलब सैतान नै नास कर सकै जिणरै खनै मौत रौ अधिकार हो।

इण वास्तै म्हौ वळै घणी सावचेती रै साथै, जिकौ कीं म्हौ सुण्यौ है, उण माथै ध्यांन दैणौ चाहीजै ताकी म्हौ भटक नीं सकौ।

इण खातर उणौनै चाहीजै हा, की सगळी बातां में अपणै भाइयो रै जैड़ा बणै। जिण ऊं वो उण बातां में जिकौ परमेसर ऊं संबंध राखै है, एक दयाळु अर विसवास लायक महायाजक बणै ताकी लोगां रै पापों रै लियै प्रायसित दिलानै रै लियै बलि हो सकै।

लेकिन म्हौ यीसु नै जिकौ सरगदूतो ऊं थोड़ोक कम कियो हो, मौत रौ दुख उठानै रै कारण महिमा अर आदर रौ मुगट पैरयोड़ो देखौ हो, ताकी परमेसर री करपा ऊं वो हरैक मिनख रै लियै मौत रौ अनुभव करै।