Popular Bible Verses from इफिसियो 5

Share

थै परमेसर रा लाडला टाबर हो, इण वास्तै परमेसर रा सभाव में चालो। परैम करौ, ज्यूं यीसु मसीह थौरे ऊं कियो, अर अपांरै वास्तै अपणै आप नै बड़िया सुगंध रै वास्तै परमेसर रै आगै भेट करनै बलिदान हो गिया।

इण वास्तै ध्यांन ऊं देखौ के। थै कीकर चालो, गेला ज्यूं नीं, पर हमजदार ज्यूं चालो। हरैक मौका नै अनमोल हमजो, क्यूंकै दिन खराब है।

दारूड़िया मत बणौ। क्यूंकै इण ऊं लुचापणो आवै। पर आतमा में बढ़ता जाईजौ। थै भजन, आतमा रा गीत अर परभु रा गीत एक दूजा वास्तै गाता रौ। आपरा हिरदा ऊं परभु रै वास्तै भजन किरतन करता रैवौ। आप आप रा मन में परभु रै सांमै गाता अर किरतन करता रौ। हमेसां सगळी बातां वास्तै अपांरा परभु यीसु मसीह रै नाम ऊं पिता परमेसर नै धन्यवाद देता रैवौ।

इण कारण ऊं गेला मत रहीजौ, पर जांणलो के, परभु री इछा कांई है।

हे पतियो आप आप री लुगाईयां ऊं परैम राखौ, जिण तरैह ऊं मसीह मंडली रा परैम में अपणै आप नै, मंडली वास्तै दे दिया।

क्यूंकै थै पैला तो अंधारै में हा, पर अबै थै मसीह रा साथै गाठ जोड़ रै कारण परभु रा चांदणा में हो। इण वास्तै अबै चांदणा रा टाबरां ज्यूं जीवो

थै मसीह नै मानो हो, इण वास्तै एक दूजा रौ कैणौ मानो।

हे लुगाइयां, आप आप रा धणी रा कैणै में रैवौ, ज्यूं परभु रा कैणै में रैवौ।

पर म्हैं एक बार वळै कहूं हूं के, थै हरैक आपरी लुगाई ऊं खुद ज्यूं परैम राखौ अर लुगाई भी बींद रै कैणै में चालै।

सास्तर में लिखयोड़ो है के, “आदमी आपरा मां बाप नै छोड़ नै आपरी लुगाई रै साथै एक तन रैवैला।”

अंधारै रा निकमे कांमां में भेळा मत रौ, पर उणौनै सांमै लाओ।