Popular Bible Verses from 2 थिस्सलुनीकियो 2

Share

किणी रीत ऊं किणी रै धोखे में नीं आवणौ, क्यूंकै वो दिन जद आवैला तद तांई धरम रौ त्याग होवैला, अर वो पाप रौ मिनख जिकौ नास होणौ है, वो भी परगट होवैला।

हे भाइयो, अर परभु रै प्यारै लोगां, चाहीजै की म्हौ थौरे बारै में हमेसां परमेसर रौ धन्यवाद करता रैवौ, क्यूंकै परमेसर नै सरूआत ऊं थांनै चुण लिया हा की आतमा रै दवारा पवितर होयनै, अर सत्य रौ विसवास करनै उद्धार पाओ।

वो विरोध करै है, अर हरैक ऊं जिकौ ईस्वर या पूज्य कहीजै है, अपणै आप नै मोटो ठैरावै है, एठै तांई की वो परमेसर रै मिंदर मांय बैठनै अपणै आप नै ईस्वर ठैरावै है।

अपांरौ परभु यीसु मसीह आप ही, अर अपांरौ पिता परमेसर, जिणै अपां ऊं परैम राख्यौ अर अनुग्रह ऊं अनत सानति अर उतम आसा दीनी है, थौरे मनो में सानति दे अर थांनै हरैक चौखै कांम अर वचन में मजबुत करै।

इण कारण परमेसर उणमे एक भटकावण वाळी सामरथ नै भेजेला की वो झूठ रौ विसवास करै

उण अधरमी रौ आवणौ सैतान रै कांम रै मुजब सगळी तरैह री झूठी सामरथ, अर चिन्ह, अर झूठै चमतकार रै कांमां साथै, अर नास होणैवाळौ रै खातर अधरम रै सैंग तरैह रै धोखे रै साथै होवैला। क्यूंकै उणौ सत्य ऊं परैम कोनीं कियो जिण ऊं उणौरौ उद्धार होवतो।

क्यूंकै अधरम रौ भेद अबार भी कांम करतौ रैवै है, पण अबार एक रोकणेवाळौ है, अर जैड़ी तांई वो आगौ नीं हो जावै वो रोकयो रैवैला।