Popular Bible Verses from Ioane 2

Share

Ēnei te wakauyunga o nā wakailo mana a Iētū, na waingia i Kana i Kalilea. Na wakaāli mai oki i tona yilatū, eia, tuku ai loa te lotokono o ana pipi kia ana.

“E te vale wawine ia ē, e wea koe na oko wua mai ai kia aku?” te mea atunga a Iētū. “E kiai ake na oko ki toku vāia.”

Talatala loa ia Iētū ki nā tāvini, “Wakakī nā ava nā ki te yua.” Eia, wakakī ai lātou i nā ava kikī yeyele. Wakaunga oki ia Iētū ia lātou, “Yalu kōtou ni yua, kave atu ki te wakayaele o te imukai.” Wai oki lātou peia

Talatala atu ai ia Iētū, mea loa kia lātou, “Lepeti ki lalo te waleyā nei, e tolu ayo e oti ai ia aku e te wakatū wakawōu.”

Eia, wili loa tana uwēpu ki te enu taula, tulituli ai ēna te kau ia tākatoa ki vao mai te kolo o te Waleyā, peia nā māmoe ma nā puakatolo. Lingilingi ai ēna ki te taua i nā moni a te kau tieni moní, wuliwuli pūlou oki i a lātou kaingākai. Maka ai loa tana muna ki te kau e okooko nā kūkupá, “Tali a kōtou mea nā ki te tulanga! Wakamutu loa kōtou e te wakalilo i te wale o toku Matua wai mākete okooko!”