Popular Bible Verses from Fas Korin 5

Share

Wanem mi barava minim nao hemi olsem, yufala mas no miks wetem eniwan wea hemi sei hemi wanfala Kristin bat long semtaem hemi durong wetem eniwan, o hemi kavetem olketa samting blong nara pipol, o hemi wosipim olketa laea god, o hemi stori nogud abaotem olketa narawan, o hemi man fo drang olowe, o hemi man fo stil. Man olsem ya, nomata fo sidaon tugeta fo kaikai wetem hem, yufala mas no duim.

So distaem yufala mas raosimaot disfala olfala yist blong sin ya, mekem yufala kamap klin olsem niufala bred nao. Hemi tru, yufala klin finis ya, bikos God hemi sakrifaesim finis Kraes hu hemi disfala smolfala sipsip blong Pasova blong yumi.

Nao fo jajem olketa pipol hu i no blong sios, hemi no waka blong mi ya. God nao bae hemi jajem olketa. Bat yufala seleva nao yufala mas jajem olketa pipol hu i blong sios. Bikos Buktambu hemi sei, “Yufala mas raosimaot ravis man ya from seksin blong yufala.”