Popular Bible Verses from Ntendwa 1

Share

Akini kisingi Muye wa Muungu wendaho uwezee nywie, mwendamhokee udaho nanywi mwendemuwe wavuhuzi wa mbui zangu mwekuzionazo mwe mzi wa Yelusalemu mwe si ya Yudea na si ya Samalia na mwe inusi ngima.”

Yesu akawamba, “Kisingi na msimu wa mbui iyo amanya udaho wa Tate yangu, naho nywie khamkundigwa mmanye vindaviwe ini.

Kisingi kimwe ekuwaho ada nao akawaagiiya, “Msekuhauka Yelusalemu iya gojani dia funge Tate ekuwaikiado kiaga ambado mnitegeeza kae nikagombeka kuusu mbui izi. Yohana kawabatiiza kwa mazi, akini mwe misi micheche yezayo, nywie mwendambatiizwe kwa Muye wa Muungu.”

Kwa misi makumi mane bada ya ufe wakwe nee kawalawiiya maa nyingi kwa namna ekweavizavyo kuwa yu mgima. Nee wamuona, nae akagombeka nao mbui ya Useuta wa Muungu.

Ekubindaho kugombeka ayo, wose wakamkauwa akadoigwa na kuita uwanga kwa Muungu, zunde dikamfisa na khawekumwona vituhu.

Wekuwaho wafua meso uwanga, kisingi Yesu adoigwa kuita uwanga kwa Muungu, ahoaho wantu waidi wekuwao wavaa ngwanda zekung'aazo pee wakagooka hehi nao, wakagombeka, “Nywie wantu wa Galilaya, kwambwai mwagooka hanu mkakauwa uwanga? Uyu Yesu, mwekudoigwa kuawa aho henu na kuita uwanga kwa Muungu endaeze vituhu inga mwekumwonavyo akaita uwanga kwa Muungu.”