Popular Bible Verses from Mui Psalm 119

Share

Mei wala ure amu e nei sine talana aeaeku: raraa hunie tala ineu.

Nou onimei konie haalunge ioe ilaona saeku: mwane nou tateingeinie.

Itehulaana nga meita saanau ke dau rerea ana tala ingeie? huni liolio isulie walamu.

Ikire kira ini ni haa dianaanga ko kinetainie wala ni unu haahoainge ingeie: na ko heitalea ana ahutana saena.

Ioe lehu ni mumuninge ineu: na mei talo honotaku: nou maohi susutoo ana tolaha ioe.

Oke niie saenanaunge nakue, nge nekei kinetainie mu haa tolanga ioe: na ni sulu isulileni ana ahutana saeku.

Oke da saeku ke norutoo ana mu wala ni laladonga ioe e malisi: na suuri ana tariolanga.

E diana hunie ana e haasiohaau: uri neke saenanau ana wala ni harainge ioe.

Ienini saedodonga na siohaanga ineu: ana haalunge ioe e haa mwaemwaeau.

Oke naoku isulie tala ni haatolanga ioe: ana saeku ko rikerike i nunuhaani.

Lord oke haausulieu ana mu wala haatolanga ioe: hunie neke kinetainie taraasi.

Maurihaaku ko ano mai ani saehuunge: Oke haasusueu elihoi isulie haiholotainge ioe.

Nou manata diana hunie mui haatolanga ioe uri taa kau: na nou heitale onimei suli heidinge.