Popular Bible Verses from Matius 4

Share

Tapik Yèsus nasaꞌod, “Èn kelòj Kitab mok nateꞌèl: ‘Sènꞌòy tok dapad mugos nòm nèygéy hék, tapik umperlu kenèmbek gah rik Allah nachal.’”

Tapik Yèsus nasaꞌod, “Iblis, wèk hãh lah! Èn kelòj Kitab hòj natulis: ‘Sindol lah ma Tuhan, Allah nyob, bok og lah rik nyob ma Rik Nak hék!’”

Tapik Yèsus nasaꞌod, “Èn kelòj Kitab mok nateꞌèl, ‘Agok tarèk ma Tuhan, Allah nyob.’”

Nòm kerek nak Ruway Allah napimpin ma Yèsus ma pantil gurun supaye Iblis namtarèk ma Rik Nak. Èn anak Yèsus naꞌòd selamak empad puloh arik empad puloh layèg, dak pas nak Yèsus nagahmak nacherok geb.

Yèsus nachal ma wènar nak, “Hoh lah ma Yék, bok Yék imtènglèkh ma kaꞌan kaꞌamjalok sènꞌòy supaye muhoh ma Yék.” Dak sejèkh wènar nak wèperak jalok wèh, dak wèhoh ma Yèsus.

Nòm kerek nak Yèsus natekèd naꞌèg-oglèkh gah nòm Allah, dak nachal, “Perak lah dose nyob dak los lah ma Allah, sebab Kerajaꞌan Allah hòj tilok!”