Popular Bible Verses from Matius 23

Share

Tapik èn nyob, chok rik najadik gerèk kuli ma sènꞌòy gèhnih, rik nak lah paléng rayak èn mad Tuhan.

Chok rik bebèdlod rik ma rik eh lebéh rayak nòm sènꞌòy mòy, akal Allah najadik sènꞌòy nak tok bepenting. Dak chok rik bebèdlod sènꞌòy mòy lebéh penting nòm rik eh, akal Allah najadik eh sènꞌòy rik rayak.”

Terok geb lah ma nyob akal, guruk agama ròb sènꞌòy Parisi! Nyob rik bemèrhĩr! Nyob hoh ma Hukom Tuhan bok nyob og ènsekh hasil nòm selay nyob, yab ber chenèhruh rik ajok geb. Tapik nyob tok begorgèr ma nèrꞌor Allah rik paléng penting: nyob tok beꞌadil, tok bekalõn, bok tok besetiye. Che patod eh nak nyob haros nyomteꞌèl hal rik lebéh penting nak, dak og ma Allah hal èꞌjok nak keꞌjèk.

Terok geb lah ma nyob akal, guruk agama ròb sènꞌòy Parisi! Nyob rik bemèrhĩr! Nyob suj kuléh ròb hok nòm béng hék, tapik èn kelòj eh tik laꞌes — èn kelòj hup nyob nak tebikh nòm bèngbokh bok beꞌarad rik ma rik.

Dak Yèsus nachal wèl nòm hup sèndéh Eh, “Sènꞌòy Yèrusalèm, nyob lah irik chègleg ma mèn nabi rik Allah natèrꞌèn ma nyob, bok nyob bedal nòm batuk sampéy umkebes. Yék hòj mayek-mayek ichèn imchèb-chab bok imjagak ma nyob, gerèk ayam nakumpol bok najagak ma kuwòt-kuwòt eh èn dadak kènyèng eh. Tapik nyob jèk!

Gerèk nak keꞌjèk ma nyob: nòm béng sènꞌòy gèhnih umnéh ma nyob gerèk sènꞌòy rik kènmën. Tapik che kènmën eh nak èn kelòj hup nyob tebikh nòm menèrhĩr ròb jènhad.