Popular Bible Verses from Matius 18

Share

Sebab bil mok nar atòw tigak sènꞌòy umbekumpol sebab umpechaye ma Yék, èn anak Yék pon mok èn gagid umnak.”

Dak mok wèl Yék imchal ma nyob: kalòw mok nar sènꞌòy èn nyob wèsetujuk wèmpèꞌtak èn duniak doh untok ilok-ilok, dak Apak Yék èn sorga akal nasaꞌod ilok rik nyob pèꞌtak nak.

Yèsus nakòw ma néy sayẽd ajok dak nabèrted èn gagid umnak. Dak Yèsus nachal, “Kemën Yék ichal ma nyob: nyob kenak nyomtukar perangéy nyob bok jadik gerèk sèdyẽd jèꞌjok. Kalòw hõy, nyob akal tok pernah dapad nyommòj ma Kerajaꞌan Allah.

Jadik, chok rik najadik gerèk sayẽd doh bok nabebèdlod rik eh nak tok bepenting, unak lah sènꞌòy rik paléng rayak èn Kerajaꞌan Allah.

Dak kalòw nyob terime ma sayẽd ajok gerèk doh sebab nyob hoh ma Yék, maksod eh nyob terime ma Yék keꞌjèk.”

Yék kemën ichal ma nyob: nyob akal nyob oglèkh ma sènꞌòy rik bepechaye ma Yék èn duniak doh ilok umnak boléh muteꞌèl, dak ilok rik tok boléh muteꞌèl. Dak ilok rik nyob chal nak, Allah èn sorga pon nasetujuk, sebab Nanak naꞌog hak nak ma nyob.

Yèsus natèrsòj cherite eh dak nachal, “Gerèk nak lah Apak Yék èn sorga akal nateꞌèl ma nyob, kalòw èn hup nyob tok nyob ampon kemën-kemën ma kéy-kéy rik besalah ma nyob.”

“Tapik agok lah tèdꞌéd ma sènꞌòy jèꞌjok nak rik hèh-hoh ma Yék sampéy umbedose! Terok geb lah henukom Allah ma sènꞌòy rik tèlꞌèl hal nak. Lebéh méj kalòw sènꞌòy umbeg batuk rayak èn geloh eh, dak umtèrlũd eh ma kelòj òng laud rik jèꞌrok!

“Dak rèk lok benèdlod nyob: kalòw néy sènꞌòy mok seratos ikor kambikh biri, tapik néy ikor kambikh biri nak naruj, dak ilok rik nak namhey? Pastik lah nanak naperak ma sembilan puloh sembilan rik gèhnih èn tangkòl-tangkòl, dak nawèk nakèk rik rèj-ruj nak.