Popular Bible Verses from Matius 1

Share

Maria akal nayos néy kuwòt babeh. Dak hãk haros hatèrjal kenëh Eh Yèsus, sebab Rik Nak lah rik terèsgos ma kaum Eh nòm dose umnak.”

“Keyòkh lah! Mok néy babok benaléh akal nakayod dak nayos néy kuwòt babeh, dak Kuwòt nak akal umdéh kenëh Eh Imanuèl — rik bemaksod ‘Allah mok samak èk.’”

Tapik bil Yusop tik nabebèdlod ma hal nak, mok melaykat Tuhan nalãj ma rik nak èn nèꞌpòk eh. Melaykat nak nachal, “Yusop, nòm waris Rajak Daud, agok lah tukh hambabéy ma Maria nak namjadik léh hãh, sebab kuwòt eh rik nakayod nak nòm kuwase Ruway Kudus.

Gerèk doh lah kisah nèsyos Yèsus Kristus. Amèk Eh, Maria, hòj napèrhod nambabéy ma Yusop. Tapik èn wènar nak tèk-tik tok wèsèglòg, Maria nak nakayod nòm kuwase Ruway Kudus. Yusop nabèdlod Maria nak hòj naselòg ma babeh mòy. Tapik Yusop nak néy sènꞌòy rik kènmën; rik nak tok nachèn namsèrngẽny ma Maria èn mad sènꞌòy jajéh. Sebab nak rik nak naꞌampèk nambatal perènhod benabéy wèh nak nòm chare sengẽk.