Popular Bible Verses from Lukas 9

Share

Pas nak Yèsus nachal ma sènꞌòy jajéh, “Kalòw sènꞌòy nachèn namhoh ma Yék, mestik nanak tok nahèh-hoh ma nènchèn rik eh. Tapik tiyab-tiyab arik nanak mestik nagulap palok salib eh — maksod eh, mestik lah nasanggob namderite bok namkebes supaye namhoh ma Yék.

Chok rik namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh untok Yék akal natèrgos nèsgos rik jalꞌéng eh nak.

Tapik Yèsus nachal ma rik nak, “Sènꞌòy rik natekèd nahoh ma Yék, tapik tik nawãr nabèdlod ma chare nèsgos eh rik manah, nanak tok begunak èn kelòj Kerajaꞌan Allah.”

Tok begunak eh sènꞌòy nak mok kenèmbek harte èn duniak doh, tapik naruj rik ma rik eh ròb nèsgos eh rik jalꞌéng.

Sebab chok rik sènyngẽny namhoh ma Yék ròb tenènglèkh Yék, akal Yék, Sènꞌòy Nòm Sorga, isengẽny imterime ma sènꞌòy nak keꞌjèk bil ilãj nòm kuwase ròb chènlakh Yék, bok nòm kuwase ròb chènlakh Apak Yék samak mèn melaykat suchi.

Tapik Yèsus nachal ma rik nak, “Lèdlèd mok tabòh eh, dak chèp mok sòm eh. Tapik Yék, Sènꞌòy Nòm Sorga, tok mèk-mok tempad untok imsèglòg bok imbetarak.”

Yèsus nachal, “Kalòw nyob terime néy sayẽd gerèk doh sebab nyob hoh ma Yék, bemaksod nyob terime ma Yék. Bok bil nyob terime ma Yék, nyob terime keꞌjèk ma Allah rik terèn-èn ma Yék. Dak chok rik bebèdlod rik ma rik eh paléng tok bepenting èn nyob, nanak lah rik paléng rayak èn mad Tuhan.”