Popular Bible Verses from Lukas 12

Share

Gerèk nak keꞌjèk lah nyob: sebab Yék, Sènꞌòy Nòm Sorga, akal ilãj bil nyob tok besabok. Jadik, haros lah nyob betabéh selaluk!”

Tapik kèk lah nèng-nèng Kerajaꞌan Allah, dak kenèmbek rik nyob perlu nak akal natabeh keꞌjèk ma nyob.”

Yèsus nachal wèl ma umnak kenèmbek, “Bebèh-bèh lah bok bejagak-jagak lah! Agok lah nyob jadik hèm-hep! Nèsgos nyob kedak èn duid bok èn kenaye hék.”

Sebab èn lok nyob chatuk harte nyob, èn anak lah nènchèn hup nyob keꞌjèk.”

Tok mèk-mok néy sènꞌòy pon èn nyob namjerok nèsgos eh sebab selaluk naꞌèd-id.

Yèsus nachal ma hèhoh-hèhoh Eh, “Unak lah isebab eh Yék ichal ma nyob: Agok lah èd-id tentang nèsgos nyob, tentang ilok rik akal nyob géy, atòw ilok rik akal nyob lòg.

Jadik, agok lah tukh! Sebab èn mad Allah nyob lebéh penting nòm ibuk chèp hẽj nak! Hek, sog èn kuy nyob pon Allah hòj nalèkh lènbéh kenèmbek um.”

Yèsus nachal ma mèn hèhoh Eh, “Agok lah tukh, yab lènbéh nyob ajok. Sebab Apak nyob èn sorga naꞌadés namꞌog nyob nyommòj ma Kerajaꞌan Eh!

Néh lah chèp ègꞌag. Chèp nak tok umtèm-tap menéh, tok bechatuk nègtòg, dak tok mèk-mok dékh nèldol untok mudol nèygéy. Tapik Allah naꞌog nèygéy ma umnak. Nyob jerok lebéh penting èn mad Allah nòm chèp nak!

Jadik, agok lah èd-id, dak agok lah selaluk bebèdlod ilok rik nyob géy bok nyob òng.

Allah nahiyas rambang èn pantil, rik mok is doh tapik ma is jakal eh sènꞌòy nachòkh dak nachur ma os. Jadik, pastik Nanak akal naꞌog nèglòg ma nyob! Tapik nahey nyob amès hék nyob pechaye?

Kenèmbek hal rik sènꞌòy umkèrdëk puꞌdoh, jakal nak pastik Allah napèrnéh tèꞌlalah. Dak hal rik sènꞌòy tok umlèng-lèkh puꞌdoh, jakal pastik Allah naꞌoglèkh, sampéy kenèmbek sènꞌòy mulèkh.