Popular Bible Verses from Yohanès 6

Share

Yèsus nasaꞌod, “Yék lah ruti rik èg-og nèsgos nak. Chok rik lèj-lãj ma Yék akal tok umchèꞌrok wèl, bok chok rik bepechaye ma Yék akal tok umbesagòl wèl sampéy bilok-bilok.

Sènꞌòy tok dapad mugos nòm kènwad rik um. Had Ruway Kudus irik èg-og ma sènꞌòy nèsgos rik kènmën. Gah rik itènglèkh ma nyob atèk nalãj nòm Ruway Kudus bok naꞌog nèsgos.

Tapik nèygéy èn duniak doh akal naseꞌung. Jadik agok lah kèrdakh had untok nyomdapad nèygéy gerèk nak. Kèrdakh lah nyomdapad nèygéy rik méj sampéy bilok-bilok bok naꞌog ma nyob nèsgos rik jalꞌéng. Yék, Sènꞌòy Nòm Sorga, boléh iꞌog ma nyob nèygéy rik kènmën nak, sebab Allah Apak hòj naꞌog hak nak ma Yék.”

Dak Apak Yéh nachèn keꞌjèk kenèmbek sènꞌòy rik nèh-néh ma Kuwòt Eh bok umpechaye ma Yék akal umgos jalꞌéng. Dak bil nalòy ma arik rik sèj-sòj nak, Yék akal itèrwòg ma umnak.”

Yèsus nasaꞌod, “Doh lah rik Allah nachèn nyob nyomteꞌèl: pechaye lah ma Sènꞌòy rik Allah hòj natèrꞌèn.”

Kenèmbek sènꞌòy rik Apak naꞌog ma Yék pastik akal umlãj ma Yék, bok Yék tok ijèk-jèk ma chok-chok pon rik lèj-lãj ma Yék.

Simon Pètrus nasaꞌod, “Hõy, Tuhan, ma chok wèl kandék kimwèk? Hãk lah irik betènglèkh gah rik èg-og nèsgos jalꞌéng!

Yék lah ruti rik èg-og nèsgos nak: hòj itaw nòm sorga. Chok rik gèy-géy ruti doh bok naterime ma Yék akal nagos jalꞌéng sampéy bilok-bilok. Ruti nak esik Yéh doh, rik Yék akal iꞌog supaye sènꞌòy èn duniak doh boléh muterime nèsgos rik kènmën.”

Apak Yék lah irik terèn-èn ma Yék. Tok mèk-mok chok-chok pon dapad namlãj ma Yék nòm nènchèn rik eh. Had kalòw Apak hòj nakèrjak èn kelòj hup sènꞌòy nak bok boléh nalãj ma Yék, dak bil ma arik sèj-sòj jakal Yék itèrwòg wèl ma sènꞌòy nak.

Ruti nòm Allah nak hòj nataw nòm sorga, bok Rik Nak lah irik èg-og nèsgos rik kènmën ma sènꞌòy èn duniak doh.”

Yék lah ruti rik èg-og nèsgos nak.

Dak Yèsus nakod ruti nak dak nabeterime kaséh ma Allah. Pas nak nasér ma sènꞌòy jajéh rik umgèl-gel èn anak. Dak gerèk nak keꞌjèk Nanak nasér nar kak naꞌtèk, dak umnak kenèmbek umgéy sampéy sey. Bil kenèmbek sènꞌòy nak hòj umbehik, Yèsus nachal ma hèhoh-hèhoh Eh, “Chatuk lah ènsekh umgéy nak bok agok lah idéh.”

Mèn hèhoh Yèsus nak hòj umbekawéy kirak-kirak limak atòw enam kilomiter. Dak tok-tok umnak umnéh Yèsus nachèb-chib èn riyap òng nak bok nalãj tilok ma perahuk um. Umnak umtukh geb. Tapik Nanak nachal, “Agok tukh! Yék lah Yék.”