Popular Bible Verses from Yohanès 19

Share

Bil Yèsus hòj najõd òng nak, Rik Nak nachal, “Hòj sòj!” Nòm kerek nak, Rik Nak nakel kuy Eh dak natèrsèk henèmhum Eh rik sèj-sòj.

Nòm kerek nak, Yèsus nalèkh Rik Nak hòj natèrsòj kenèmbek kèrjak Eh. Jadik, supaye nambelakuk ilok rik natulis èn kelòj Kitab, Yèsus nachal, “Yék isagòl!”

Bil Yèsus nanéh ma amèk Eh, bok nanéh keꞌjèk ma hèhoh Eh rik nasayèkh natèd-ted èn anak, Yèsus nachal ma amèk Eh, “Amèk, udoh lah kuwòt hãh!” Dak Yèsus nachal ma hèhoh Eh, “Udoh lah amèk hãh!” Jadik nòm kerek nak hèhoh nak naꞌéd ma amèk Yèsus namgel èn dékh rik nak.

Tapik bil umnak umbeleh ma Yèsus, umnak umnéh Rik Nak hòj nakebes. Jadik, umnak tok umperègleg jukh Eh. Tapik mok néy askah naketel bulus ma cheres Yèsus, dak sejèkh lènlòt ròb òng nahuwòl dak nahor.

Kenèmbek hal doh nabelakuk tehad gerèk ilok rik natulis èn kelòj Kitab: “Tok benéy pon nòm jeꞌang Eh mupèrleg.” Dak èn kelòj Kitab mok natulis keꞌjèk: “Umnak akal umnéh ma Rik Nak rik hòj umketel nak.” (Yék rik èg-oglèkh cherite doh hòj inéh ma hal nak nòm mad rik yéh. Jadik, yék ilèkh ilok rik ichal nak kemën. Dak yék iꞌèg-oglèkh gah doh supaye nyob keꞌjèk nyompechaye.)

Yèsus nagulap palok salib rik Eh nahuwòl nòm kote nak. Umnak umwèk ma tempad rik bekenëh “Tempad Chawòng.” (Èn kuy sènꞌòy Yahudi nak umdéh tempad nak “Golgòta.”)

Mèn askah nak umchèrwèl tèmpok nòm jalak dak umtèrpok èn kuy Yèsus. Umnak umtèrlòg ma Rik Nak bajuk ungu gerèk nèglòg rajak