Popular Bible Verses from Jenadik 15

Share

Abram napechaye ma TUHAN, dak sebab nak TUHAN naꞌanggap ma rik nak sènꞌòy rik kènmën.

Hòj nòm kerek nak, TUHAN nabecharak ma Abram èn kelòj perènnéh, “Agok tukh, Abram. Yék irik bejagak ma hãk, gerèk alad kenabeh, bok akal iꞌog ma hãk upah rik rayak.”

Dak TUHAN naꞌéd ma Abram nahuwòl dak nachal ma rik nak, “Néh lah ma langid, bok chubak kirak mèn pèrlòy. Hãk akal mok waris rik jajéh gerèk pèrlòy nak.”

TUHAN nasaꞌod, “Hõy! Kuli hãh nak akal tok nabewaris ma harte hãk. Hãk akal hadapad kuwòt rik hãh, bok rik nak lah akal nawaris kenèmbek harte hãk.”

Dak anak TUHAN nachal ma rik nak, “Lèkh lah: waris hãk akal umgel gerèk sènꞌòy nòm jèꞌrok èn tèk kaum mòy. Dak kaum mòy nak akal umpakse ma kenèmbek waris hãk umkerèꞌjak gerèk kuli umnak, bok akal umkeseh ma umnak selamak empad ratos tawon.

Tapik Abram nachal, “TUHAN yéh rik bekuwase! Ilok gunak eh hamꞌog upah nak ma yék, kalòw tok mèk-mok kuwòt yék? Hãk tok haꞌèg-og kuwòt ma yék, bok bil yék ikebes tok mèk-mok waris yéh. Rik bewaris kenèmbek harte yék had kuli yéh, Èliéser nòm kote Damsìk nak.”

Bil is nak keꞌjèk TUHAN nateꞌèl perènhod samak Abram bok nachal, “Yék iꞌog ma waris hãk kenèmbek tèk doh: nòm sempadan negerik Mesir sampéy ma òng rik rayak nak, Òng Tibok Èprat.

Hòj nòm kerek empad ratos tawon nak, waris hãh akal umlos wèl ma tèk Kanaꞌan doh. Dak bil nak akal ikiron ma sènꞌòy Amori rik gèl-gel èn anuh. Puꞌdoh tik tok nalèy-lòy mase untok imhukom ma umnak. Tapik bil mase nak akal ihukom um sebab bil nak tènꞌèl jèdhad umnak hòj lèrhir geb.”