Popular Bible Verses from Tènꞌèl Mèn Rasul 2

Share

Pètrus nasaꞌod ma umnak, “Tiyab-tiyab sènꞌòy èn nyob haros lah perak ma dose nyob dak los wèl ma Allah! Pas nak kandék kibaptis ma nyob èn kelòj kenëh Yèsus Kristus. Dak Allah akal naꞌampon dose nyob, dak Allah naꞌog Ruway Kudus ma nyob.

Kenèmbek sènꞌòy rik pechaye nak umtekon umbelajar nòm tenènglèkh mèn rasul. Umnak umgos gerèk néy kewarge, dak lèjgéj umbekumpol untok mugèy-géy bok mupèꞌtak.

Dak Ruway Kudus nakuwase ma umnak kenèmbek. Bil nak keꞌjèk, nòm kuwase Ruway Kudus umnak umtekèd umbecharak kuy-kuy mòy.

Bil umgèl-gel èn anak, tok-tok umkeyòkh mok chëh nòm sorga gerèk natehòr kelibuy. Chëh nak kuwad geb, sampéy néy dékh nak umkeyòkh. Pas nak kelit naꞌet bende-bende rik umnéh gerèk nachak beꞌos, dak bende nak umlãj umbekabed èn tiyab sènꞌòy èn anak. Dak Ruway Kudus nakuwase ma umnak kenèmbek. Bil nak keꞌjèk, nòm kuwase Ruway Kudus umnak umtekèd umbecharak kuy-kuy mòy.

Tiyab-tiyab arik umnak umbekumpol èn Dékh Tuhan. Dak umnak umkòw kaban rik um untok mugèy-géy èn dékh rik umnak, dak nòm hup mènhãr umsa-sér nèygéy um bok umbeꞌadés. Umnak selaluk umbeꞌèhmah ma Allah. Dak kenèmbek sènꞌòy gèhnih èn anak umchèn ma hèhoh Yèsus nak. Tiyab-tiyab arik Tuhan natèrgos sènꞌòy, supaye lènbéh sènꞌòy rik umpechaye nak nabetabeh ibuk.

Allah nachal, ‘Bil nalòy ma jaman rik sèj-sòj nak, Yék akal iꞌog Ruway Kudus Yék ma kenèmbek sènꞌòy. Kuwòt bèhbeh ròb kuwòt bèꞌbok nyob akal umtèrlòy ma nyob gah nòm Yék. Dak lèwtòw ròb bèhléh èn nyob akal umnéh perènnéh nòm Yék. Tèꞌtak ròb jèꞌjak èn nyob akal umtapòk èn nèꞌpòk rik iꞌog ma umnak.

Kenèmbek sènꞌòy rik umpechaye lèjgéj umbekumpol, dak kenèmbek ilok rik mok èn umnak, umsa-sér kaban rik um. Umnak umjuwal harte rik mok èn umnak, dak umsa-sér duid nak ma chok-chok èn umnak rik naperlu.

Dak Yék, Tuhan, akal itèrgos ma kenèmbek sènꞌòy rik hòj umkèw-kòw ma Yék untok imtèrgos ma umnak.’”

Mad is akal najadik rengah, dak gechèk akal najadik chelekh gerèk lènlòt. Nòm kerek kenèmbek tande nak, akal nalòy Arik Tuhan rik méj-méj bok bepenting geb.