Popular Bible Verses from लुकस 12

Share

अन्‍नेम निम हूँ सपड़ार का रआ, एन्‍देरगेका धर्मेस तय्‍यका एन आल तंगदन निम मला सोच्‍चका बेड़ा नू बरओन।”

पहिले धर्मेस ही राजिन बेद्‍दा, अउर इबड़ा हुरमी कत्‍था गुट्‍ठी हूँ निमा गे चितारओ।”

अउर आस आरिन बाचस, “होसियार रआ, हुरमी खल्‍ल ही लोभलालच ती बछरआ, एन्‍देरगेका आलर ही मानी जिन्‍गी आस ही बग्‍गे धन-खुर्जी नू मला रओ।”

एन्‍देरगेका एकसन निम्‍हय खुर्जी र' ई, असन निम्‍हय जिया हूँ मनो।”

निम्‍हय मझही नू ने फिकिर ननोस की तंग्‍हय उज्‍जना ही ओन्‍द बेड़ा गुटी हूँ बग्‍गे नना ओंगोस?

येसुस तंग्‍हय चेलारिन बाचस, “औंगे एन निमरिन बअदन, निम्‍हय जिया ही खतरी एन्‍दरा मोख़ोम अउर देह ही खतरी एन्‍दरा अत्‍तोम बआ की चिन्‍ता मला नना।

मानिम निम्‍हय कुक्‍क ता चुट्‍टी हूँ हुरमी गिन्‍ती मन्‍जकी र' ई। औंगे अमा एल्‍चा, निम बग्‍गे बग्‍ड़ो गुट्‍ठी ती बग्‍गे मुल्‍ली ही रअदर।”

“अना सन्‍नी जेर, अमा एल्‍चाय! एन्‍देरगेका निमा गे राजी चिआ गे निम्‍बस खुसी रअदस।

कौवा गुट्‍ठी न एःरा! अबड़ा न तो चांख़ई, न तो ख़ोई, अबड़र ही खतरी न तो गोदाम न कुट्‍ठी एड़पा दुम र' ई, लेकिन अन्‍नू हूँ धर्मेस अबड़न ओन्‍ताआदस। निम ओड़ाख़ाख़ा ती बग्‍गे मोल ही रअदर!

“औंगे एन्‍दरा मोख़ोत का एन्‍दरा ओनोत बआ की निम मला बेद्‍दा कुद्‍दा, अउर चिन्‍ता हूँ मला नना।

लेकिन इन्‍ना मन्‍ना अउर नेला चिच्‍च नू हेबड़ना खली ही घांसिन धर्मेस एन्‍ने चेमचेमना नन्‍दस होले, अना थोरे पत्‍तउर, आस निमरिन कय बग्‍गे अत्‍तओस पुन्‍दरतओस!

एन्‍देरगेका कुल्‍लका कत्‍था ज्‍या बग्‍गे र' ई, आ हुरमी चलख़तारओ, अउर नुख़रका कत्‍था ज्‍या बग्‍गे र' ई, आ हुरमी आख़तारओ।