Popular Bible Verses from Luŋ 4

Share

Ɔ kə kie tʉ-kwú-kə te mbʉ ŋkɔʼnə ndə Nyii kə kɔ́ tʉ ɔŋ fɛ, bɔŋ məmɔʼfyii-i ndəŋ Nyii bìʼ shʉ́əshʉ́ə ndə ɔ kɔ́ kuŋhə tʉ Nyii. Ɔ nɔ kɛŋ kə kínə mu fyii-ɔ jyujyu mbɔ Nyii nɔ kie ghʉəʼkə ndə məfɔ̀ʼ nukə ndə ɔ nɔʼ kɔ̀ʼnə tʉ ɔŋ.

mbɔ haʼ ndə ŋwɔʼnə-Nyii ghɔ̀ŋ mbɔ, “Mɔ nɔʼ chìi a ndə məbɛ tie lɔʼ-bətə̂ŋ-tə buŋmbi.” Ɔ nɔ bɛ tie-yʉʼʉ hə bəshʉ, bʉʼka ɔ nɔ nə mɔ̀ʼfyii-i ndəŋ ɔŋ Nyii, ndə ɔ̃ bʉ̀nə kóʼhə bʉə ndə bɔ̂ŋ nɔʼ kwútə, Ñyii ndə ɔ kàhə nə ŋgie-chu-kə-i, fɔbə ndə i gòʼ təmə bɛ ghɔ fɛ, bɛ ghɔ.

Bʉʼka bʉ̂ʼtə-ʉʼʉ, bə nɔ kə kɔ́ ɔ ndə məkwú, bə bʉ̀nə kóʼhə ɔŋ mbɔ ɔ chʉʼ chìi bʉʼʉ bɛ ndyʉndyʉ tʉ Nyii.

Ablahaŋ nɔ kə bɛ́ŋ Nyii bɔŋleʼ yʉ́əʼnə ndəŋ nukə ndə ɔ kə gìe, buŋ ndʉʉ ndə luu kə gòʼ təmə bɛ ghɔ tʉ ɔŋ ndə məyʉ́əʼnə chɔ fɛ, nɔ, ɔ kia bɛ tie-lɔʼ-bətə̂ŋ-tə buŋmbi. Haʼ ndə ŋwɔʼnə-Nyii kə ghɔ̀ŋ mbɔ, “Ŋgwie-wo-a bu yi yɔ́ŋ tə bɛ nə bəlɔʼɔ-yuo.”

Nɔ, mbʉ ŋkɔʼnə nɔ kə gwè tíŋ hə bɔ̌ŋ məmɔ̀ʼfyii ndəŋ Nyii, mbʉ ŋkɔʼnə chʉʼ bɛ kɔ-Nyii-kə ndə i gwè hə ndəŋ buuŋjyu-i tʉ vâa-Ablahaŋ bənchəŋ ndə kɛŋ bɛ yʉə-yə shʉəŋ. I kaa bə haʼ tʉ bʉə ndə nuʼ-bʉə-Juu kə bɛ tʉ bɔŋ fɛ, bɔŋ tʉ bʉə ndə bɔ̂ŋ kə mɔ̀ʼfyiihə-ʉə ndəŋ Nyii ghɔ haʼ ndə Ablahaŋ kə chìi. Bʉʼka Ablahaŋ nɔ bɛ tie-bʉə-bənchəŋ ndə bɔ̂ŋ mɔ̀ʼfyii-ʉə ndəŋ Nyii

“Tʉʉjyu nɔ bɛ yi-bʉə-yə ndə bə nɔʼ sʉ̀fyii hə ndəŋ nu-bʉəbʉə-bə-ʉə, ndə bə nɔʼ kíahə shʉ hə ndəŋ bʉ̂ʼtə-ʉə. Tʉʉjyu nɔ bɛ yi-wo-yə ndə Tiekətʉ gòʼ təmə kə́ súu bʉ̂ʼʉ-e kətʉ-ɔ fɛ.”

Ŋwɔʼnə Nyii ghɔ̀ŋ mbuka? “Ablahaŋ nɔ kə mɔ̀ʼfyii-i ndəŋ Nyii, bə súu yie ɔ mbɔ ɔ la tə́nə ndyʉndyʉ tʉ ɔŋ.”