Popular Bible Verses from Luŋ 12

Share

Kə bii məkɔ́ ŋwɔŋ-yii ndə nubə ndə bʉə-kəwʉʉnəmbi-bɔ̄ŋ tʉʼ fɔ̀ʼ fɛ, b̈ii bɔŋ mɛ̀ʼtə Nyii kwɛ́nə bii ndə məbɛ bʉə fefe ndə i gwè hə ndəŋ məkwɛ́nə ŋkwɔʼtə-yii, mbɔ bii chʉʼ kie ghʉəʼkə ndə məkínə nubə ndə Nyii kʉ̀ʉ, nubə ndə i bɛ jyujyu, bʉ̀ʉ tʉ ɔŋ bɔŋleʼ kʉ̀ʼnə tʉ ɔŋ gɛ̀ kùu.

Nɔ bəliŋ-bɔŋ, bʉʼka fɔŋ kətʉvyiinə ndə Nyii kie tʉ bʉʼʉ, mɔ nɔ tʉʼ fʉ̀ʉtə bii mbɔ b̈ii kɔ́ ŋwɔŋ-yii nə fɔ-fɛ̀ʼndɛŋ-bə ndə i bíe ŋɛnə tʉ Nyii, ndə i bɛ ŋkʉʉ bɔŋleʼ kʉ̀ʼnə tʉ ɔŋ jyujyu nɔ bɛ ŋkɛŋ mələ̀ʼtə Nyii nɔ.

T̈ʉʉtə-ii kə́ bʉ̀ʉ ndə bii tʉʼ yʉ́əʼnə ndəŋ Nyii, kə́ yá fyiihə-ii ndʉʉ ndə bə tʉʼ chɔ́ŋhə b̈ii bɔŋleʼ kə́ gháaNyii təmə kə́ káa fɛ.

Kə a mə mɛ̀ʼtə ŋwɔŋ-aŋ nu-bʉəbʉə-bə ghɔ́ʼ a fɛ, bɔŋ ghɔ́ʼ ghʉəʼ-bʉ̂ʼʉ-kə nə nu-jyujyu-bə.

B̈ii kʉ̀ʉ bəliŋ-bii nə ŋkʉ̂ʉ vâaŋkwe, kə́ kɔ́ kuŋhə tʉ ŋwɔŋtə-ii shʉ́əshʉ́ə.

B̈ii kie ŋkɛŋ ŋkʉ̂ʉ, bàa nu-bʉəbʉə-bə, yá nu-jyujyu-bə tə́nə chɔ shʉ́əshʉ́ə.

Kaʼ bɛ mbɔ i yùhə tʉ bii, te nubə ndə i bɛ mu kəghɔ-bii, b̈ii dùʼ nə fyiighʉ́ənə biibə bʉə bənchəŋ.

Mbʉətə bəliŋ-bɔŋ ndə mɔ kʉ̀ʉ, kə bii mə tyú bʉ̂ʼʉ nə mbəŋtə-ii fɛ. B̈ii mɛ̀ʼtə Nyii fɔ̀ʼ nə tʉʉbʉə-shʉ́əshʉ́ə-e, bʉʼka bə nɔ nyɔ̀ʼ mu ŋwɔʼnə-Nyii mbɔ, “Tiekətʉ nɔ ghɔ̀ŋ mbɔ, ‘Mətyú bʉ̂ʼʉ nɔ bɛ yəŋkə-ɔŋ, mɔ bu tyú, nɔ ghɔ̀ŋ Tiekətʉ’.”

B̈ii kə́ lə̀ŋnə ndə məfɔ̀ʼ tʉ Nyii, kə bii mə-kə́-shyùu ŋwɔŋ-yii ndə mə fɔ̀ʼ tʉ Tiekətʉ fɛ.

Bʉʼka kɔ-buuŋjyu-kə ndə Nyii nɔʼ kɔ́ tʉ mɔ, mɔ nɔ tʉʼ gìe tʉ wotəmiyɔŋ mu bii mbɔ kə a mə lʉ̀ ŋwɔŋ-aŋ ghɔʼ i tíŋ ndə i kie ndə məbɛ fɛ. Bɔŋ kie ŋkwɔʼtə jyujyu te ŋwɔŋ-aŋ, lʉ̀ ŋwɔŋ-aŋ i kʉ̀ʼnə ndə fʉʼ məmɔʼfyii-a ndəŋ Nyii ndə Nyii nɔʼ kɔ́ tʉ a.

Kə bii mə tyú bʉ̂ʼʉ tʉ wo nə bʉ̂ʼʉ fɛ, b̈ii kɔ̀ɔtə ndə məfɔ̀ʼ nukə ndə i bu bɛ jyujyu shʉ bʉə bənchəŋ.

B̈ii dùʼ nə ŋgiekə imɔʼ bii bəbɛʼbʉə. Kə bii mə kə́ dʉ̀ʼ ŋwɔŋ-yii fɛ, b̈ii bɔŋ yúnə bii bəbʉə njʉnjʉ, kə bii məlʉ̀ ŋwɔŋ-yii mbɔ bii kínə inchəŋ fɛ.

A nɔ kie bə ndə məfɔ̀ʼ ndə ŋwɔʼnə-Nyii ghɔ̀ŋ mbɔ, “Kaʼ jyʉʉ kə́ yɔ́ʼ wobàa-a, ä yúʼ ɔ, kaʼ vaatʉʉ-i yə́ŋ, ä kɔ́ fɔkə ɔ̈ nú, kaʼ a chìi yɔ̄ŋ-yə, a mɔ̀ʼ tʉvyiikə-i ndə nukə ndə ɔ chìi tʉ a.”

B̈ii gháaNyii mbɔ ɔ̈ bìʼ bʉə ndə bɔ̂ŋ tʉʼ chɔ́ŋhə bii, kə bii mə túu ndɔŋ kɔ́ kətʉ-bɔŋ fɛ. B̈ii kie tʉʉjyu biibə bʉə ndə bɔ̂ŋ tʉʼ kie tʉʉjyu, gwía biibə bʉə ndə bɔ̂ŋ tʉʼ gwía.

B̈ii kwáa bʉə-Nyii nə fɔbə-ii ndə ndʉʉ ndə bɔ̂ŋ byúu bɔŋleʼ fí bʉə-mətòʼ chunjaa-bii nə tʉʉjyu.

Bʉʼka bʉʼʉ nɔ kie yəŋ-mbʉə-bə ndəŋ mbʉə imɔʼ buŋmbi, bɔ̂ŋ bɔŋ kie fɔʼtə ŋkʉʉŋkʉʉ. Nɔ bɛ haʼ nɔ, bʉʼʉ bɛ yɔ́ŋyɔ́ŋ nɔ, bɔŋ kə́ bɛ mbʉə imɔʼ ndʉʉ ndə bʉʼʉ tùo bʉʼʉbə Klai, bʉʼʉ bənchəŋ bɔŋ-nɔʼ-leʼ fúu ŋwɔŋtə-ʉʼʉ nə yəŋ-mbʉə-bə ndəŋ mbʉə imɔʼ, bʉʼʉ bənchəŋ bɔŋleʼ bɛ tʉ ŋwɔŋtə-ʉʼʉ.