Popular Bible Verses from Mak 14

Share

Ɔ ghɔ̀ŋ mbɔ, “Baba, Tie-ɔ, nubɛʼkə bɛ ghɔ ndə i chàa a fɛ. Fí ndʉ̂ʉ ŋgʉəʼ-ɔ̄ hə kəghɔ-mɔ, kə a mə fɔ̀ʼ bə ŋkʉʉnə-tʉʉ-ɔ fɛ, fɔ̀ʼ bə ya-yə ŋkʉʉnə tʉʉ.”

B̈ii kə́ kíi dyʉʼbə bɔŋleʼ gháaNyii bʉʼka bii mə yi gwù mu nubə ndə i mùutə wo ndə məgwù mu bʉ̂ʼʉ. Mbʉ fyii nɔ bɛ chɔ, bɔŋ mbɔʼ mbʉə lʉ́ʉtə.”

M̈ɔ shyíi bii nə shʉəŋ mbɔ yəŋkə təmiyɔŋ ndə bə lɔ̀ʼ mbʉ ntəŋjyujyu chɔ mu kəwʉʉnəmbi inchəŋ, nukə ndə woke-ɔ̄ nɔʼ chìi, bə bu kə́ fʉ̀ʼtə ndə mə-kə́-kwɛ́nə ɔŋ.”

Ɔ ghɔ̀ŋ tʉ bɔŋ mbɔ, “Fyii-ɔ tʉʼ chɔ́ŋhə mɔ daa, tə kə́ dʉ̀ʼ kwú. B̈ii káa fɛ̄ŋ, kə́ kíi dyʉʼbə.”

Ndə bɔ̂ŋ kə́ yú fɔbə, ɔ lʉ̀ bele, kʉ̂ʉ kɔ́ ndɔ chɔ tʉ Nyii, bə́ʼtə, kɔ́ tʉ vâafɔʼɔ-bi, ghɔ̀ŋ tʉ bɔŋ mbɔ, “B̈ii kɔ́, nɔ bɛ mbɔʼ mbʉə-ɔ nɔ.”

Ɔ leʼ lʉ̀ ndʉ̂ʉ, kʉ̂ʉ kɔ́ ndɔ tʉ Nyii, chɔ̀ʼhə kɔ́ tʉ bɔŋ, bɔ̂ŋ bənchəŋ nú hə muŋgɔ. Ɔ ghɔ̀ŋ tʉ bɔŋ mbɔ, “Nɔ bɛ fɔbʉəkə-ɔŋ nɔ ndə i kɔ́ʼ mbʉ məŋkaa, ndə bə tyú yie bʉə buŋmbi.

Jiso ghɔ̀ŋ tʉ bɔŋ mbɔ, “Bii bənchəŋ bu nyʉ́ʉ wɔ̀ʼnə tʉ́ʼ mɔ, bʉʼka bə nɔ nə nyɔ̀ʼ mu ŋwɔʼnə-Nyii mbɔ, ‘Mɔ bu yi nchyii-binjyʉʉhə, mbʉ binjyʉʉhə nyʉ́ʉ wɔ̀ʼnə.’

B̈ii lɔ̀ hə sê b̈ʉʼʉ kə́ gɛ̀, b̈ii nyíɛ, wo ndə ɔ fɛ̀ŋ mɔ nɔʼ kə́ŋhə.”

Jiso ghɔ̀ŋ tʉ ɔŋ mbɔ, “Mɔ shyíi a nə shʉəŋ mbɔ, ndʉʉbətyuʼ-ɔ̄ ŋkʉəʼə bu yi kə tʉ́ʉ vɛʼ bûu nɔ, tʉ a nɔʼ kɔ́tuu a vɛʼ tia mbɔ a la kínə mɔ fɛ.”