Popular Bible Verses from Luk 6

Share

B̈ii kɔ́, bə bu kɔ́ tʉ bii, yʉʼ fʉʼ jyujyu ndə bə nɔʼ jìehə bɔŋleʼ yʉ́ʼnə tə i kə́ tyunə, bə bu vɛʼ bəbe-bii. Bʉʼka fʉʼ ndə bii kɔ́ nɔ bɛ haʼ yɔŋ ndə bə bu kɔ́ tʉ bii.”

W̃o jyujyu nɔ fyúhə nu-jyujyu-bə hə mu kəyəŋ lə̀ŋ bənu jyujyu mu fyii-ɔ, bɔŋ w̃o bʉəbʉə nɔ fyúhə nu-bʉəbʉə-bə hə mu kəyəŋ lə̀ŋ bənu bʉəbʉə mu fyii-ɔ, bʉʼka nubə ndə i lə̀ŋ mu fyii-ɔ nɔ bɛ yɔ́ŋ ndə ɔ bu kwə́ʼ.

“Bɔŋ b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bɔŋ, chɔ́ʼhə tʉ bɔŋ təmə kə́ kʉ̀ʼ məbyʉ̀hə fɛ. Ndʉʉghɔfii, kɛŋbə-ii bu yɔ́ŋ, bii bu bɛ vâa-Chaabəfɔŋ bʉʼka ɔ nɔ tʉʼ fɔ̀ʼ bʉ̀ʉ tʉ bʉə ndə bɔ̂ŋ kyinə kɔ́ ndɔ fɛ ghɔŋbə bʉə buuŋbʉə.

Dʉ̀ʼ tʉvyiikə haʼ ndə Tie-a tʉʼ dʉ̀ʼ.

“Kə bii mə chʉ̀ə ŋkwɛ yie bʉə-bʉəbʉə fɛ, Nyii kʉʉ chʉ̀ə yi-yə bʉəbʉə fɛ. Kə bii mə dʉ̀ʼ ghɔkə-i chu bəbɛʼbʉə fɛ, bɔŋ Nyii kʉʉ dʉ̀ʼ yi-yə ghɔkə chu-bii fɛ. B̈ii sʉ̀fyiihə-ii te nə ibɛʼ-yə wo, Nyii bu sʉ̀fyii-i te nə bii.

“M̈ɔ bɔŋ shyíi bii, bii ndə bii tʉʼ yʉ́ mɔ, b̈ii kʉ̀ʉ bʉə-bàa-bii, fɔ̀ʼ bʉ̀ʉ tʉ bʉə ndə bɔ̂ŋ bàa bii. B̈II gháa bʉ̀ʉ kɔ́ tʉ bʉə ndə bɔ̂ŋ tʉʼ túu ndɔŋ kɔ́ kətʉ-bii. B̈ii gháaNyii tʉ bʉə ndə bɔ̂ŋ tʉʼ chɔ́ŋhə bii.

Nukə ndə bii kʉ̀ʉ mbɔ bʉə-fɔʼɔ tʉ bii, b̈ii fɔ̀ʼ tʉ bɔŋ ghɔ.

Kaʼ wo chʉ̀əʼhə a, gwúu ghɔkə chu-a, ä jʉhə. Kaʼ wo fí ndyi-fəʼə-a, ä shùɔ ndyi mu mbʉə-a, bìa chɔ. Kaʼ wo gháa fɔkə kəghɔ-a, ä kɔ́ tʉ ɔŋ. Kaʼ wo lʉ̀ fɔkə-a, kə a məfì nə ghʉəʼkə fɛ.

“Tyʉ-jyujyu-kə mə kʉ́ʉnə ntɔŋ-bʉəbʉə-mə fɛ haʼ ndə tyʉ-bʉəbʉə-kə mə kʉ́ʉnə ntɔŋ-jyujyu-mə fɛ.

B̃ə nɔ chèʼnə tyʉkə ndə ntɔŋmə-i. A mə kwɛ̀ yɔ̌ŋ hə ndəŋ ŋkwenjʉ fɛ. Təmə bə mə kwɛ̀ lamashi hə ndəŋ sɔ̂ʼkə fɛ.