Popular Bible Verses from Jɔŋ 15

Share

“Mɔ nɔ bɛ mbʉ lyʉʼʉ-geleb, bii kə́ bɛ ntɔŋtə-i. Wo ndə ɔ káa mu mbʉə-mɔ mbəŋ-ɔŋ káa mu mbʉə-ɔ, nɔ bɛ ɔ ndə ɔ bu kʉ́ʉnə ntɔŋ-yɔ́ŋyɔ́ŋ-mə, bʉʼka mbɔ kaʼ byúu mɔ, bii mə chìi nubɛʼkə fɛ.

B̈ii káa mu mbʉə-mɔ, mɔ káa mu mbʉə-bii. Haʼ ndə ntɔŋ-kətyʉ mə kʉ́ʉnə ntɔŋmə nə mbəŋ-ɛŋ fɛ, yaʼkɛŋ mbɔ i tyʉ̀nə ndəŋ ŋkwê-kətyʉ, nɔ bɛ haʼ nɔ bii mə kʉ́ʉnə ntɔŋmə fɛ yaʼkɛŋ mbɔ bii káa mu mbʉə-mɔ.

Kaʼ bii káa mu mbʉə-mɔ, ŋgiekə-ɔŋ káa mu mbʉə-bii, b̈ii bíʼtə nukə təmiyɔŋ ndə bii kʉ̀ʉ, bə bu fɔ̀ʼ tʉ bii.

Bii kə séʼ mɔ fɛ, nɔ nə séʼ mɔ séʼ bii, bɔŋleʼ chóʼ bii ndə məgɛ̀ kʉ́ʉnə ntɔŋmə ndə i bu chí dɔ̀ŋnə, kə mbɔ nukə təmiyɔŋ ndə bii bíʼtə tʉ mbʉ Tie nə yie-ɔ, ɔ bu kɔ́ tʉ bii.

Ŋkʉ̂ʉbɛʼ bɛ ghɔ ndə i gʉ́ə chàa yɔ̄ŋ-yə, mbɔ ẅo kɔ́ ŋkwiitʉ-e yie-bətieŋkɔŋ-bi fɛ.

Ntɔŋ ndə i bɛ ndəŋ mɔ təmə kə́ kʉ́ʉnə ntɔŋmə fɛ, ɔ fɔ̀ʼ mɛ̀ʼ. Bɔŋ ntɔŋ ndə i tʉʼ leʼ kʉ́ʉnə ntɔŋmə, ɔ fìitə mbʉə-e, mbɔ i chʉʼ kʉ́ʉnə ntɔŋmə yɔ́ŋyɔ́ŋ.

Nɔ bɛ ŋkahə-ɔŋ nɔ, mbɔ b̈ii kʉ̀ʉ ŋwɔŋtə-ii haʼ ndə mɔ nɔʼ kʉ̀ʉ bii.

T̃ie-ɔ nɔ kie məgʉ́ə ndə yɔ̄ŋ-yə, mbɔ b̈ii kʉ́ʉnə ntɔŋ-yɔ́ŋyɔ́ŋ-mə, nɔ, b̈ii dʉ̀ʼ mbɔ bii la bɛ vâafɔʼɔ-bɔŋ.

“Mɔ nɔ bɛ mbʉ ŋkɛŋ lyʉʼʉ-geleb, Tie-ɔ kə́ bɛ mbʉ wofɔ̀ʼ-mutɔ.

Kaʼ wo gòʼ təmə káa mu mbʉə-mɔ fɛ, bə mɛ̀ʼ ɔŋ ndə bə mɛ̀ʼ ntɔŋ-kətyʉ-tə le, i yə́ŋtə, bə chə̀ŋtə mbʉ təntɔŋ, mɛ̀ʼ mu viʼi, tɔ̀ŋ.

Mɔ nɔʼ kwə́ʼ nubə-ɔ̄ŋ tʉ bii mbɔ tʉʉjyu-ɔ chʉʼ bɛ mu bii, ẗʉʉ-yii bɔŋleʼ bʉ̀ʉ ghɔ gɛ̀ kùu.

Kaʼ bii tʉ́ʼ bəŋkahə-bɔŋ, bii káa mu ŋkʉ̂ʉ-ɔ, haʼ ndə mɔ kə tʉ́ʼ bəŋkahə Tie-ɔ bɔŋleʼ káa mu ŋkʉ̂ʉ-i.

Nukə-ɔ̄ŋ, mɔ nɔ kàhə bii, mbɔ b̈ii kʉ̀ʉ ŋwɔŋtə-ii.

Bii kʉ̌ʉ bɛ nə bʉə-kəwʉʉnəmbi, təmə bɔ̂ŋ nɔ kʉ̀ʉ bii nə yʉə-yə, bɔŋ bʉʼka bii leʼ bɛ nə bɔŋ fɛ, bɔŋ bʉʼka mɔ nɔʼ séʼ bii fyúhə mu bɔŋ, nɔ chìi yɔŋ bɔ̂ŋ bàa bii.