Popular Bible Verses from Jɔŋ 10

Share

L̃ʉ̂ʼ nɔ gwè mu lɔ̂ŋ-binjyʉʉhə bə haʼ ndə məlʉ́ʼ, gɛ̀ yí, bʉ́əhə mɛ̀ʼ. Mɔ nɔ gwè mbɔ bɔ̂ŋ chʉʼ kie məchímbi bɔŋleʼ kie yɔ́ŋyɔ́ŋ.

“Mɔ nɔ bɛ yʉʼ nchyii-binjyʉʉhə. Ỹʉ́ʼ nchyii bihə nɔ kɔ́ tʉkə-i bʉʼka bihə-i.

B̃injyʉʉhə-ɔŋ nɔ yʉ́ gyʉʉ-ɔ, mɔ bɔŋleʼ kínə bɔŋ, bɔ̂ŋ bɔŋleʼ kə́ gwè hə bɔ̌ŋ mɔ.

M̃ɔ nɔ kɔ́ məchímbi tʉ bɔŋ təmə liʼ-i ghɔ fɛ, təmə bɔ̂ŋ kʉʉ nə kwú bɛ́ fɛ, təmə wo bɔŋ mə nə fyúhə bɔŋ mu kəghɔ-mɔ fɛ.

Mɔ nɔ bɛ mbʉ chulɔŋ. Wotəmiyɔŋ ndə ɔ tíŋ hə ndəŋ mɔ ŋíi, bu kie ŋkwaa, ɔ bu kə́ fyú bʉ̀nə sʉ́ʉ bɔŋleʼ kie yəŋ-ŋkɔ-bə ndə məyú hə chɔ.

“Mɔ nɔ bɛ yʉʼ nchyii-binjyʉʉhə, mɔ nɔ kínə bihə-ɔŋ, bihə-ɔŋ kínə mɔ

Tie-ɔ ndə ɔ kɔ́ bɔŋ mu kəghɔ-mɔ, nɔ shʉ́ə chàa bʉə bənchəŋ, wo kaa ghɔ ndə bəkɔ ɔ dùu bɔŋ fyúhə hə mu kəghɔ mbʉ Tie fɛ. Baʼa Tie-ɔ nɔ bɛ fɔkə imɔʼ.”

haʼ ndə mbʉ Tie kínə mɔ, mɔ kínə mbʉ Tie, mɔ bɔŋ-nɔʼ-leʼ kɔ́ tʉkə-ɔŋ bʉʼka mbʉ bihə.

Wo kaa ghɔ ndə ɔ fí hə kəghɔ-mɔ fɛ, mɔ nɔ kɔ́ tʉkə-ɔŋ ndə yɔŋ-yə ŋkʉʉnə tʉʉ. Mɔ nɔ kie ghʉəʼkə ndə məkɔ́ tʉkə-ɔŋ tʉ kwú, bɔŋleʼ bʉ̀nə kie ghʉəʼkə ndə məbìʼ fí. Nɔ bɛ nukə nɔ ndə Tie-ɔ kàhə mɔ ndə məfɔ̀ʼ.”

Ndʉʉmɛ, Jiso bìʼ ghɔ̀ŋ tʉ bɔŋ mbɔ, “M̈ɔ kɛŋ shyíi bii nə shʉəŋ mbɔ mɔ nɔ bɛ chulɔŋ tʉ binjyʉʉhə.

Ñchyii ndə bə tʉʼ lɔ̀ʼ ɔ lɔ̀ʼ ndə məchyìi bihə təmə kə́ bɛ ŋkɛŋ fɔʼɔ-ɛ fɛ, təmə kie ɔ kie mbʉ bihə fɛ, nɔ nyíɛ buu nɔ, ɔ mɛ̀ʼ mbʉ bihə nyʉ́ʉ nə wi, mbʉ buu sɛ́ʼ chə́ŋ mu bɔŋ, wɔ̀ʼhə bɔŋ.

“M̈ɔ kɛŋ shyíi bii nə shʉəŋ mbɔ wo ndə ɔ gòʼ təmə tíŋ hə ndəŋ chulɔŋ ndə məŋíi mu lɔ̂ŋ-binjyʉʉhə fɛ, bɔŋ kóʼ bə ndəŋ fia kədɔŋ buŋ ŋíi, nɔ bɛ lʉʼ bɔŋleʼ kə́ bɛ lʉʼ shùɔ wo.