Popular Bible Verses from Fɔʼɔ 2

Share

Bita bə̀ŋhə mbɔ, “Ẅotəmiyɔŋ mu bii shìe liɛŋ-ɛŋ hə ndəŋ bʉ̂ʼʉ, fí muu yie-Jiso Klai, ɔ chʉʼ sʉ̀fyii-i hə ndəŋ bʉ̂ʼtə-a. Nyii bɔŋleʼ kɔ́ Lyʉʉhəkə-i tʉ a.

Bɔ̂ŋ kɔ́ ŋwɔŋ-yʉə ndə mə-kə́-yétə nubə ndə bəlɔntəŋNyii kə́ dàhə, ndə mə-kə́-yúnə, ndə mə-kə́-gyʉ̀ətə fɔyubə leʼnə mə-kə́-gháaNyii.

LyʉʉhəNyiikə jyʉ́ʉhə bɔŋ, bɔ̂ŋ chʉ́ʉhə ndə məkwə́ʼ ŋgie-bətə̂ŋbɛʼ-bə ndə mbʉ kəLyʉʉhə kɔ́ chu-bɔŋ ndə məkwə́ʼ.

Kə kwɔnə nyíɛ, yəŋbə kə́ dùŋ gwè hə yuo nə fʉ̂əŋ, gwè lə́ŋhə mbʉ mu njaa-ghɔ̄ ndə bɔ̂ŋ kə dùʼtə chɔ le. Bɔ̂ŋ nyíɛ fɔbɛʼkə ndə i bɛ nə lɛɛŋhə-viʼi-bə, i gyʉ̀əhə ŋwɔŋ-ɛŋ tə́ŋtə kətʉ-bɔŋ bəmɔʼbəmɔʼ. LyʉʉhəNyiikə jyʉ́ʉhə bɔŋ, bɔ̂ŋ chʉ́ʉhə ndə məkwə́ʼ ŋgie-bətə̂ŋbɛʼ-bə ndə mbʉ kəLyʉʉhə kɔ́ chu-bɔŋ ndə məkwə́ʼ.

Bɔ̂ŋ kə́ chə̀ŋtə bəchibəchi sêfu chunjaafɛ̀ʼndɛŋNyii. Bɔ̂ŋ kə́ gyʉ̀ətə fɔyubə ndəŋ futə-ʉə kə́ yú nə tʉʉjyu leʼnə fyii imɔʼ, kə́ lə̀ʼtə Nyii, tʉʉ bʉə bənchəŋ bʉ̀ʉ ndəŋ bɔŋ. Tiekətʉ kə́ bìʼ bʉə-nuɔ-bɔŋ bəchibəchi ndə bɔ̂ŋ nɔʼ bɛ́ŋ Nyii.

Nyii ghɔ̀ŋ mbɔ, ‘Bu yi bɛ mu ndyiʼtəbə chîbə nɔ, mɔ tə́ŋ Lyʉʉhəkə-ɔŋ mu bʉə bənchəŋ. Vâa-bii, vâabələŋ ghɔŋ vâabəke bu kə́ téʼ ntəŋ ndə bɔ̂ŋ yʉ́ hə kəghɔ-Nyii, vâakəyɔwo nyíɛ nubə ndə Nyii bu dʉ̀ʼ tʉ bɔŋ ntaa, njəŋhə chí bʉə-bənduɔŋ bɔ̂ŋ bɔŋleʼ nyíɛ nubə ndə Nyii bu dʉ̀ʼ tʉ bɔŋ.

Bʉə bənchəŋ ndə bɔŋ kə bɛ́ŋ Nyii kə́ chə̀ŋtə kəyəŋ kəmɔʼ bəchibəchi bɔŋleʼ kə́ gyʉ̀ə fɔbə ndə bɔ̂ŋ kie tʉ ŋwɔŋtə-ʉə nə mbyu wo-imɔʼ. Bɔ̂ŋ kə́ fɛ̀ŋ fɔbə-ʉə kə́ gyʉ̀əhə tʉ ŋwɔŋtə-ʉə bənchəŋ, ghʉə kənu ndə i bɛ liɛŋ-bɔŋ.

Ndʉʉmɛ, wotəmiyɔŋ ndə ɔ tíi Tiekətʉ mbɔ ɔ kwáa ɔ, bu kie ŋkwaaNyii.’

Chichi bu kíahə bə̀ŋ njəŋkə, chisuu kíahə ndəŋ fɔbʉəkə, chî-Tiekətʉ-kə buŋ yi gwè ndə bɛ chîkwɛʼtəŋ-ghɔ̄-kə ghɔŋ fɔŋ-kəchî.