Popular Bible Verses from Iromayon 4

Share

konye mam abu kobuonokin kanuka aisumunet naka Edeke kamamus aiyuun, dimarai kogogoŋor kaiyuun, kitopoloo Edeke, kojeni cut ebe epedori Edeke aswam nuisumunit.

kwape iwadikatere ebe, “Kadakaki jo araun papa loka atekerin nuipu,”) kakonyen nuka Edeke loiyuunit ŋesi, loeinakini lukatwak aijar, loenyarauni da iboro luemameete bala luejaas.

lokeinakinio kanuka aibucanaretawok, kitajarunai da aitojok oni araun luedolito.

Kemamei amun abu kiyuu kotoma amun, tetere eraun papa loka atekerin nuipu; kwape kelimokinere ebe, “Kwape kwaŋin ejaun akoniwur.”

Kanuka ŋun ebuni aisumunet kotoma aiyuun, tetere egoŋakina aisumunet asianut, kitogogoŋoi da mama ejai aur kere, mere mama ejaas ŋul luka ikisila bon, dimarai mama ejaas ŋul luka aiyuun naka Aburaam, (loerai papaawok kere

Ebe, “Isirereŋitoi luisionio aronisio, ka luerapitai da adiakanareta; Isirereŋitoi etuŋanan lomam Ejakait imarakinit adiakar.”

Naarai inerasi biai nuiwadikatai? Ebe, “Abu Aburaam kiyu Edeke, kimarakinai ŋes araun adolit.”