Popular Bible Verses from Yosua 1

Share

Mere eoŋ kecorak jo? Kicat, kotitiŋior; sirikikurianar karaida aiyaloŋoŋ: naarai ejai EJAKAIT Ekonideke kajo kama ilosenenei kere.”

Eitabo lo loka ikisila sirenyoununei kaitukukon, konye koomoomoenenei ŋes paaran ka akuare da, tetere iricit aswam kere kwape ejaatar nuiwadikatai toma: naarai kwaŋin ŋes erereŋior ekonirot, ikerianaror da

Konye kicat ber kotitiŋior noi, aricit aswam kwape ejaatar ikisila lu, lukicorakini ekakejaanakinan Musa: siripaanari kakan nakoteten karaida kediany, tetere irereŋior kama ilosenenei kere.

Emameun ituŋanan kere yenepedori abwoikin jo apaarasia kere nuka akoniijar: kwape ajaar kolo ka Musa, ajaikin kwape kwaŋin kajo da: mam ketukurwori jo, karaida aijal.

Kicat, kotitiŋior, naarai isurumi ijo ituŋa lu akwap nakolo eyapoikin ainakin lukapapaakec.

Ŋiniibois neicakete akusikeje, kainak yes, kwape kolo alimokinia Musa

“Atwana Musa ekejaanakinanika; aso kwana konyou, kodok ecor lo Yorodan, ijo ka ituŋa lu kere, kolomasi akwap naainakinit eoŋ kes, idwe luka Isirael.

Kosodi kanen kedau Musa ekejaanakinan loka EJAKAIT atwanare, kotema EJAKAIT Yosua okoku loka Nun, ekejaanakinan loka Musa atiar

Ameuni kamodiŋ, ka Lebanon lo, aitodol ocor lokapolon, ecor Eupurat, akwap kere naka Ikitin, kiton aŋolol nati ape neelomanari akoloŋ, ŋes eraun ekusiikor

Ŋinituŋanan kere yenipaliikini akoniicorakinet, ido yenimam epupenenei akonikiro kere nuicorakini ŋes, eareneneo: konye kicat, kotitiŋior.”

“Kitoro kidiŋ oidukurun, kieorakis ituŋa atiar, ‘Kitemonokisi inyamat, naarai eriŋa apaarasia auni etuboro idokete ecor lo Yorodan, alomar airum akwap, nakiinakini EJAKAIT Ekusideke airum.’ ”