Popular Bible Verses from 1 Isesalonikan 5

Share

Kiyalamasi apaarasia kere, kilipenenete tiritir, kimalaenenete kotoma ŋinikirot kere; naarai ŋin ŋes naekoto Edeke kamakus kotoma Kristo Yesu.

Edeke da elopet loka ainapakin kitalau yes cut, kidaritete cut imoyonokus, ka aijarakus, ka awatekus da, komamei aitoronet kiton naebunio Ejakaitiwok Yesu Kristo. Lokinyarit yes erai lomunot, ido ebuni aswam.

Koanyutu ebe emamei yenetacakini aronis kanuka aronis, konye komootos apaarasia kere aikonanakin lucekus ejok, ka ituŋa da kere.

Aso kitalakanaros bonik, kodukonoros ŋinituŋanan kayenice, kwape iswamaata da.

Konye iinacan, kiŋaiŋait yes, kicorata luitotolikino, kiticasete luipirisiaros itauon, kisigalikis luekalanyaka, kotitiŋikis ituŋa kere

Naarai mam Edeke kibwaikinit oni kanuka anyunyura, dimarai adumun aitajario kanuka Ejakaitiwok Yesu Kristo

Naarai iraas yesi kere odwe luka aica, ka odwe luka apaaran; mam oni kirai luka akuar karaida luka amuton.