Popular Bible Verses from लुका 6

Share

अरुका धि तब तोराहु देतो। दाबि-दाबिक हिलाइ-हिलाइक टोकेटोक भोरिक तोरा देतो। किरकि जुन नापस तुइं अरुका नापिक धिब ओहे नापस तोराहु नापिक देतो।”

एनाहिमे अस्‍लि मानुकले आप्‍न मन भित्‍रिस अस्‍लिए बात निकाल्‍छे तर खराब मानुकले आप्‍न मन भित्‍रिस खराबे बात निकाल्‍छे। किरकि मान्‍खक मन जुन बातस भोर्ल रहछे ओहे मुहस बाहार निकल्‍छे।

तर तोर्स्‍या चाहिं आप्‍न दुस्‍मनसिका मयाँ कर् आ ओकर्सिक भलाइ कर्। फिर्ता पाइलाहार आस नाइ राखिक रिन धि। तब तोर्सिक इनाम बर्कि हेतो अनि तोर्स्‍या महान पर्मेसोरक सन्‍तान हेब किरकि पर्मेसोरले बैगुनि आ पापि सभेका मयाँ कर्छो।

जेहेन तोर्सिक पर्मेसोर बाप दयालु छो, तोर्स्‍याहु ओहोने दयालु बन्।

“अरुका दोस नाइ लगा अनि तोराहु दोस नाइ लगाइतो। अरुक गल्‍ति नाइ खोज अनि तोरो गल्‍ति नाइ खोज्‍तो। आप्‍न बिरोधिका छेमा कर् तब तोराहु छेमा करि देतो।

“तर हम्‍र बात सुन्‍लाहार सभेका हम कह स्‍यो, आप्‍न दुस्‍मनसिका मयाँ कर् आ हेला कर्लाहार्सिका भलाइ कर्। तोर्सिका सराप देल्‍हार्सिका आसिक धि आ तोर्सिक अप्‍मान कर्लाहार्सिक लागि पर्थना कर्।

अरु मानुकस्‍या तोरसङ जेहेन बेबहार कर्ल चाहाछ, तुहुँ ओक्‍रसङ ओहोने बेबहार कर्।

कुन्‍हुँले तोर एगो गालम मार्तो त ओक्‍रा दस्‍रो गाल पनि थापि धि आ तोर होर्निं छिन्‍लाहारका जमासब पनि लगाब धि। तोरसङ माङ्‌लाहारका धि आ तोर चिज-बिज लेल्‍हारसङ फेरि नाइ माङ्।

“कुन्‍हुँ अस्‍लि गाछम खराब फर नाइ फर्छे न त खराब गाछम अस्‍लि फर फर्छे।

सभे गाछ ओक्‍र फरस चिनाइछे किरकि कुन्‍हुँ मानुकले काँटक झाङस आँम नाइ तोर्छे न त अङ्‌गुरे तोर्छे।