Popular Bible Verses from पेरेरित 1

Share

तर पबित्‍र आत्‍मा तोर्सिक उप्‍रिम एतो त तोर्स्‍या सक्‍ति पाइब। अनि तोर्स्‍या यरुसलेमम, पुरा यहुदियाम, सामरियाम आ पिर्थिबिक कोन-कोनम हम्‍र गबाह हेब।”

येसुले ओकर्सिका कहल्‍के, “सोर्गक बापले जुन समै आ दिनका तोकिक आप्‍न अधिकारम राख्‍ल छो, उ जान्‍लाहार तोर्सिक काम नाइ स्‍यो।

एक दिन् येसु आप्‍न चेलासिसङ खनाइ खाइ बेठ्‌ल जुमा एना कहिक ओकर्सिका आग्‍या देल्‍के, “तोर्स्‍या यरुसलेमका छोरिक कन्‍यो नाइ जो। तर सोर्गक हम्‍र बापले तोर्सिका देबो कहिक बाचा कर्ल पबित्‍र आत्‍माका अस्‍या। एक्‍र बारेम हमु तोर्सिका कहल स्‍यो। किरकि युहन्‍नाले त पानिस बप्‍तिस्‍मा देल्‍को तर आइलाहार कनेके दिनम तोर्स्‍या पबित्‍र आत्‍मास बप्‍तिस्‍मा हेब।”

येसुले कुरुसम दुख भोगिक मोर्लो आ चालिस दिन् तलिक आप्‍न जिउँत भेल ठोस पर्मानसब देति थुप्‍रे बाजि चेलासिक अगाम देखा पर्लो। अनि पर्मेसोरक राज्‍येक बारेम ओकर्सिका कहल्‍को।

येसुले एतेक कहि सकल्‍के त ओकर्स्‍या देख्‍ति-देख्‍ति येसु उप्‍रि मेघम उठाइल गेले अनि येसु ओकर्सिक नजरस बिलाइले।

ओकर्स्‍या अकासभर ताक्‍ति रहल जुमा अन्‍चक्‍एम उज्‍र कप्‍रा पिन्‍ल दुइ जना मानुक ओकर्सिएक अगाम ठेर्याइले। अनि ओकर्स्‍या कहल्‍के, “ए गालिलक मानुकसब, तोर्स्‍या किर अकासभर ताक्‍ति ठेर्याइल स्‍या? येसु त सोर्ग गइसक्‍लो। तोर्स्‍या जेनामे अखन येसुका सोर्ग गेल देख्‍ल, ओनाहिमे उ फेरि एतो।”