Popular Bible Verses from १ तिमोथि 6

Share

तुइं बिस्‍वासक अस्‍लि लराइ लर् आ सब्‍दिन रहलाहार जिबनका पक्‍रिक राख्। किरकि एहे जिबनक लागि पर्मेसोरले तोरा बलाइल स्‍यो, एक्‍र बारेम तुइं थुप्‍रे मानुकसिक अगाम आप्‍न बिस्‍वासक अस्‍लि गबाहि पनि धिल स्‍या।

किरकि धन-सम्‍पतिक लोभ-लालच सभे खालक खराबिक जर स्‍यो। एहे लोभ-लालचक कारनस कतेक मानुकसब बिस्‍वासस पछा हट्‌ल छो। अनि बर्कि दुखम परिक ओकर्सिक मन एक्‍दम दुखाइल छो।

तर आप्‍नसङ जे छो, ओहेम खुसि भइक पर्मेसोरक भक्‍ति कर सभेस बर्कि धन स्‍यो।

किरकि आपन्‍स्‍या यि सन्‍सारम न त कथ्‍यो लइक आइल स्‍या, न त कथ्‍यो लइक जेब।

यि सन्‍सारक धनिक मानुकसिका घमन्‍डि नाइ बन् कहिक आग्‍या धि। अनि ओकर्सिका नास भेल्‍हार धन-सम्‍पतिम नाइ तर आपन्‍सिका सभे कथ्‍यो देल्‍हार पर्मेसोरम भरोसा राख लागि आग्‍या धि।

तर धनिक बन खोज्‍लाहार मानुकसब चाहिं लोभ-लालचम फसिक थुप्‍रे बेकारक बात आ हानिकर्लाहार इच्‍छाक जालम फस्‍छो, जुन लोभ-लालचले ओकर्सिका बर्कि दुख आ बिनासम पुगाइ छो।

ओकर्सिका अरुक भलाइ कर, अस्‍लि कामम धनिक बन अनि खुला मनक हब आ अरुका सहयोग कर्लाहार बन लागि आग्‍या धि। एना करिक ओकर्स्‍या आप्‍न लागि सोर्गम सम्‍पति धेर्याइतो। ओहे सम्‍पति पछास पाइलाहार साँच्‍चेक जिबनक लागि जोर्गर आधार हेतो। जक्‍र कारनस ओकर्स्‍या साँच्‍चेक जिबन पाब सक्‍तो।