Popular Bible Verses from 1 Timoteo 4

Share

Mɨ fè ꞌbarʉʉ àloo ɨ̀rɨ ma mɨ mɨnɨ ovʉle mvaa nɨ vɨɨ yɨ̀ kʉ, te lè mɨ ɨ̀ꞌda ɨ̀cetaa ònyɨ̀be nɨ ꞌba àꞌɨ̀taa be vɨɨ ɨnɨ yɨ́ eꞌyo nzezà yɨ̀, adrɨ̀zà yɨ̀, alè yɨ̀, àꞌɨ̀taa yɨ̀ díká eꞌyo ada yɨ̀.

Àrɨ̀yɨ̀kʉ ɨmbataa rúá yɨ̀ vɨɨ òròdrí be, te ɨmbataa eꞌyo Orɨ awo vɨɨ yɨ̀ vɨɨ òròdría eꞌyo drɨ́á yɨ́, àrɨ̀yɨ̀kʉ ɨ òyòsòzà ɨdrɨ àndrʉ̀ vɨɨ awo vɨɨ ɨnɨ tàmba ɨdrɨ kole mule cale vɨɨ awo vɨɨ be.

Mɨ àndrí mɨ ngʉlʉpɨ nɨ ɨmbataa mɨnɨ ɨmbale vɨɨ ɨbe. Lè mɨ mu eꞌyo ꞌdɨ̀vɨɨ ɨnɨ ꞌozà be drìle, àrɨ̀yɨ̀kʉ mɨ tè ngaa ꞌoo vɨ́nɨ rá, Orɨ nɨ ngaa mɨ ngʉlʉpɨ nɨ paa ꞌba ɨmbataa mɨ awo vɨɨ àꞌɨ̀le ra vɨɨ ɨbe.

Ànɨ Orɨndɨ ɨ̀ce ɨ̀rɨ mgboo drʉ kɨ̀nɨ̀ oꞌdú àsìjʉ vɨɨ ɨnɨ alɨa ꞌba alóo ɨnɨ ngaa àꞌɨ̀taa ꞌyowa vɨɨ kʉ ra díká ɨnɨ ngaa orɨndɨ ɨ̀nzò fèle vɨɨ ɨnɨ buti òbɨ̀ɨ àloo eꞌyo orɨndɨ onzɨ nɨ ɨmbale vɨɨ ɨnɨ àꞌɨ̀ɨ ɨ.

Te lè mɨ ɨ̀cɨ mɨ oꞌdʉʉ òku àzíkó àloo ɨ̀nzò drʉ tà sìle òlʉ̀zà drʉ kʉ vɨɨ ɨnɨ be kʉ. Ɨ̀ndɨ̀a ráaka, mɨ ɨmba mɨ así eꞌyo Orɨ awo vɨɨ ɨnɨ buti òbɨ̀jʉ ɨ.

Kpere manɨ ngarɨa carɨa, mɨ òwɨ̀ mɨ ngʉlʉpɨ òꞌbɨ yɨ́ eꞌyo sɨ̀zà Orɨ awo vɨɨ làzàa yɨ̀, òlʉ̀taa yɨ̀, díká ɨmbataa yɨ̀.