Popular Bible Verses from သျှင်လုကာ 19

Share

လူ့သားတော်ကလည်း ပျောက်နီရေလူတိကို ရှာပြီးကေ ကယ်တင်ဖို့ ကြွလာစွာ ဖြစ်တေ” လို့ မိန့်တော်မူပါရေ။

သူရို့က “အသျှင်၏နာမတော်နန့် ကြွလာရေသျှင်ဘုရင်က မင်္ဂလာဟိပါရေ။ ရွှီမြို့တော်မာ အီးချမ်းမှုဟိဗျာလ် ဘုရားသျှင်၏ဘုန်းတန်ခိုးတော် ထွန်းတောက်ပါစီ” လို့ အော်ကတ်လီရေ။

ကိုယ်တော်က ဇက္ခဲကို “သင်က အာဗြဟံ၏မျိုးဆက်ဖြစ်တေ အတွက်နန့် ဂနိန့်ကပင်စလို့ သင်နန့် သင့်မိသားစုအားလုံးကို ဘုရားသျှင် ကယ်တင်လိုက်ဗျာလ်။

ကိုယ်တော်က ယင်းနီရာကို ရောက်ရေခါ မော်ကြည့်ဗျာလ် “ဇက္ခဲ၊ အယင်ဆင်းလာလတ်။ ဒေနိန့် သင့်အိမ်မာ ငါတည်းဖို့” လို့ မိန့်တော်မူရေ။ ယေတွက်နန့် ဇက္ခဲကလည်း အပင်ထက်က အယင်ဆင်းလာပနာ ကိုယ်တော့်ကို ဝမ်းပန်းတသာ ကြိုဆိုလီရေ။

ယေကေလည်း ဇက္ခဲက ရပ်ပြီးကေ အသျှင်ကို “အသျှင်၊ နားထောင်ပါ။ ကျွန်တော်ပိုင်ရေ ပစ္စည်းဥစ္စာထက်ဝက်ကို မဟိဆင်းရဲသားတိကို ခွဲလို့ ဝီပီးပါဖို့။ လူတိဘားက မတရားကောက်ထားရေ အခွန်ဒင်္ဂါးတိကို လေးဆပိုလို့ ပြန်ပီးလိုက်ပါဖို့” လို့ လျှောက်တင်လီရေ။

ယေခါ လူအကျိုင်လိုက်ထဲမှ ဖာရိရှဲတစ်ချို့က ကိုယ်တော်ကို “ဆရာ၊ ဆရာ၏တပည့်တိ တန့်လားအောင် အမိန့်ပီးလိုက်ပါ” လို့ လျှောက်ထားလီရေ။ ယေခါ ကိုယ်တော်ကလည်း “သင်ရို့ကို ငါ ပြောမေ။ ဒေလူတိကို မအော်ဖို့ ပြောလိုက်ကေ ကျောက်ခဲတိက ထဗျာလ် အော်ကတ်လိမ့်မေ” လို့ မိန့်တော်မူလီရေ။