Popular Bible Verses from Matoosa Mishiraachcho 5

Share

Asi xomppe oyththidi keeththan diza asaa kumeththaas poo7ana mala dhoqqasohon woththees attiin geemasohon woththi erenna. Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.

Intte alames poo7o. Zuma bolla diza katamaya qotettanaas dandayakku.

Wozina xilloti anjjettidayta; ays giikko istti Xoossa beyana.

Xilloteth gafizaytinne saamettizayti anjjettidayta; ays giikko istti kallana.

Ta qasse inttena intte morkketa dosite; inttena gooddizaytas woossite gays.

«Ayanan bana kawushshizayti anjjettidayta; ays giikko Salo Kawoteththi isttassa.

Saroteth ooththizayti anjjettidayta; ays giikko istti Xoossa nayta geetetti xeygettana.

Qadhettizayti anjjettidayta, ays giikko istti minettana.

Xilloteththa gishshas goodettizayti anjjettidayta; ays giikko salo kawoteththi isttassa.

Asas lo7o ooththizayti anjjettidayta; ays giikko isttaskka lo7oy oosettana.

«Ta gaason asay inttena cayikko, gooddikkonne iita yo7o wordora intte bolla haasaykko intte anjjettidayta. Intte salon demmana waagay keehi gita gidida gishshas ufayssan guppite. Inttefe sinththan diza nabetakka hessaththo gooddida.

Ashketi anjjettidayta; ays giikko istti biitta laattana.

«Intte ha biitta asas maxine mala. Maxiney ba mal7oteththaa yeddizaa gidikko gede kare yegettidi yedheteththafe attiin zaaridi demmanaas dandayzee?

Hessa gishshas intte salo Aaway wosoy bayndaytas gidida mala intteka wosoy bayndaade gidite.

Hessa gishshas intte intte giddon haasayettishin intte haasayay, ‹Ee› gaanaaz gidikko, ‹Ee› giite; ‹Akkay› gaanaaz gidikko, ‹Akkay› giite; hessafe haray wuri iita asappe yizaaza.

« ‹Ayfe gishshas ayfe, ach gishshas ach› geetettidayssa intte siyideta. Ta qasse inttes gizay iita ooththidaadera eqettofte; gido attiin nees ushachcha shagala baqqizaades hankkoyssaka yuushsha bessa.

Nagara ooththanaas ne ushachcha ayfey nees gaaso gidikko neeppe kessa wora yegga; ne asateththay kumeth gede Gaanname taman yegettanaappe ne asateththafe issina pacciko lo7o. Ne ushachcha kushey nagara oosos gaaso gidikko neeppe qanxxa digga; ne asateththay kumeth Gaannamen yegettanayssafe ne asateththafe issi billitey nees pace gidikko lo7o.