Popular Bible Verses from Akraiya dawn 6

Share

Äiche, bel cha saw long huih louhwei tih se hngat kei hmawi mawh a ja saw kuhmuh. Äi se khrung äng omtih ming che “Dütih.” Ani hnung pawtäng dä dütih ini mäidün la mäi saw. Luhdül äng käh phüh hli äng käh phüh ak khrawng khäla jal äng, ekensaw äng, lawga äng tukaih saw dütih khäla thayung pek hmuei. Awlaw nget tih philu äng tukaih saw thayung ha pek hmueiyei.

Äi pänäng kei hmawi mawh a se bok hngat kuhmuh. Äi se khrung äng omtih kut äng thawl hngat mäi hüt. Ani a mawng tokkiya hngat pek hmuyei. Ani jal äng ong tih huih o ong hlänga chetaih saw koong othok.

Äiche Samphomah chaw la hmrang ini bopsaw nombor hngaw ohong ni, ini hlu dün la dawnga tuk hmueitih khäl käh khraw khäla kuhmuh. Anih la Hnadaga kheu ini hiyawk hüt awlaw sawksi ini thoksaw äng yumphoih ini tawkei hüt.

Anih atak hek ula che ini hawu, “Asanh chang la ihitih tha mawh Boi o! Ni luhdül äng käh khrawng khäla tara bi a awlaw keinih a khrawng tu tih khäla dam nepekaih koong Nang nolo alaih saw i hiyawh ikhin nawlawkeiyeih saw äm?” Anih kheni la awat sawu boktih hngat chi ini bünei. Hnadaga la uaw tuk ini hmueiyeih saw äm äi hmawt khäh. Äi khrawng khäl tuk hmuei u saw sawgraw, anih a tana kra chaw ini chongaih saw tak hmuei.

Äi khaw a mei huih sentih se hngat thok bala olosaw kuhmuh. Khrawng khäl hngat la hngata tuei hmawna äi se khrung äng omtih a luhdül äng jal thouhwaih saw thayung pek hmuei. Ani a awlaw chimsawu len hngat pek hmuei.

Iyaäm ahnih ihni man pok saw khomhnüp lo däk. Äi khomhnüp che mawt keh se. Äi dukhah ula khawmeyeih hnäng saw äm?”

Äiche äi Samphomah chaw la hmrang ini bopsaw nombor sok ohong saw kuhmuh. Äi khaw a liuh len lo. Khoni che awyawn huih hiyung tutu a äthänei awlaw khraw che thi huih sen kihkih a äthänei. Khri thasa lo khaw a, khĕu thing känäng khĕu theih heng uyut saw huih, hawn känäng asĕ khäl luhdül äng ini kraw.

Samphomah chaw la hmrang ini bopsaw nombor thum ohong ni, äi sawk mawh khäl äng käh nombor thum la hawu, “Lo!” Äiche kei hmawi mawh a se hom hngat ja bala mäi saw kuhmuh. Äi se khrung äng omtih kutäng vawn tündün set hngat mäi hüt. Äi pänäng äi sawk mawh pai hli lai känäng asam hngat kawyawk. Äi asam la hawu, “Ahnga hngat la hnüpak äng gom setak ‘hiyah thän’ püm set thum awkhawh huih bünei. Äini olip si la alak khrakai chu!”

Boih hiyol hiyoleyal saw huih, hawn ha hiyoleyal. Awlaw khuyung khäl kheni awlaw song khawi saw khäl kheni, ala känäng hlai hmuei. Awlaw luhdül äng käh mawng khäl, pängtih khäl, soloi khäl käh lenchaw khäl, mäichawtih khäl, thayung mawh khäl okho dukäng awlaw khuyung khruäng käh lung khäl äng ana wingei. Awlaw ahngasaw la ini sitha äng mäitih khrawng khäl kheni ha okho dukäng awlaw khuyung khruäng käh lung khäl äng ana wingei.