Popular Bible Verses from Akraiya dawn 2

Share

Äini nangnih ming äng kätängeyeih saw mäi khäh. Täkchah anang khet nawk saw huih tua ekhet nawti chu.

Äi koong tawk chawm khäl, ihiyawh ühlüng känäng enema nini komal saw äm! Ngulai känäng nini lung hleyeyal khäl awlaw täkchah nini bi hütsaw khäl bi al tü khäl. Ngulai känäng dä nini lung hleyeyal chu khaw, nangnih khäka lo ngala yumtih sawng khäl duk känäng nangnih käh simiya tawng dün ala känäng kahlayalai.

Nangnih dukhah nini khawmaih lah saw koong ke ei chu. Khin khäl, Mannat la nangnih anang chawmaih koong khrawng khälla hngat pai hnih a thong ima anang heng nawkaih saw dä. Awlaw kho hnüp ha täh dukhah nini khawmaih lah saw. Nangnih nini dü aih thän uyumlah mäi khäl. Äihi nangnih nini ong saw äng käh phiyaw phoih huih sawk kanang pekai.”

“Awkhraw la yumtih sawng khäla i taksaw äm, awhnaw mäitih la khin seh u. U ong äm, anih a Kei Hnadaga käh khang känäng sawk mawh thing äng käh theih keei sawkai.”

“Nangnih käh bi kawi khäl tha pochula nini bisaw awlaw nini chunei saw khäl kei kawhmawt khäh. Bise bitih khäla nangnih lawyei chu. Awlaw teh hmueitih hiyah pak teh hmueitih ting khawmeitih khäla ha ini hlei ting mawn nini bün.

Kei kaw hmawt khäh nangnih nini chunei hnäng awlaw kei ming koong nangnih thasa dukhah nini khawm, awlaw Kei a anang yumei saw dümal chu.”

Asanh chang Khraw la yumtih sawng khäla i takäm awhnaw mäitih la khin seh. “Ong tih a che thupei saw manna känäng manna bitchaw kepekai awlaw lung bok hngat chi hang hanga kepekai. Äi lung bok äng atha ming hngat yoei chän mäi saw hngat la ha hmawt u, äini äi lung bünei tih la dä ini hmawtaih saw.