Popular Bible Verses from Akraiya dawn 13

Share

Ni nawyawk chuaih koong nengĕn hlü. Engen mäitih la äi philu khäla süp seh. Iyaäm ni äng khrawng khäla süh hmuei saw. Äi üsüh saw lung che 666.

Luhdül äng mäitih kheni la äi philu a ini rosi. Äini luhdül bi hmuei hüt khawngah tuk hmuei hüttih samphomah chaw käh sawk mawh boih hiyol äng iming mäitih khela rosi hnawh u.

Äi dül känäng kawi tih philu la elen lekchaw khäl, mäichawtih khäl, sanglaisu khäl, isitha äng mäitih khäl awlaw hngasaw khäl, ükütni a anih käh set kutäng hiyah thän lumchawl äng hmat la ini poh eiyeih saw tha tawng. Äi philu käh hmat la hiyah thän iming ulumchawl äng yoei yah äm, äila iha je ei hnäng hnawh awlaw hlĕyei hnäng hnawh.

Ubang hengei naw aih saw mäi äm, äi hengei naw aih saw dä. Awlaw chimsawu äng u a tuk hmueyeih saw mäi äm, ani a äi chimsawu äng tuk hmuei. Ni kheu äng hawuvaih khiyang saw che, Hnadaga käh sanh tih khrawng khälla kuluh nawk ini hmuei khaw a chunei khrang la uyum ini tawkeyeih lah saw.

Äi pänäng mret känäng philu hngat kawi saw kuhmuh. Ani äng iki paiha awlaw uluki paiseh mäi. Äi iki paiha kheni äng mawng tokkiya mäi hüt. Äi mawng tokkiya kheni äng, Hnadaga a keleyeih saw ayapyap ming yoei bala mäi hüt.

Hnadaga käh sanh tih khrawng khäl äng jal täkei bala ongaih saw dogo ni philu a pek hmuei hüt. Äi äng luhdül äng käh ayapsaw a, presaw a, ayapyap be äng kräutih awlaw khrawng kheni a khiyupaih saw dogo pek hmuei.

Awlaw täkchah philu känäng bünei saw tha äng dül känäng kawi tih philu la khrawng khäla hiyah saw lawm pawtäng chih. Äidä dül känäng kawi tih philu la luhdül äng käh khrawng khäla tak, ‘Awnaw saw pawiyal hüttih täkchah philu käh ulupchaw bi khäl.’ Äi dül känäng kawi tih philu la äi ulupchaw a awsawk la äkräuvaih hnäng sawk saw dogo ha pek hmuei. Äihi äi philu lupchaw a ula bang rosiyah äm, ani a tukai.

Kei kuhmuh saw philu che üdüp mawh toh ui huih dä. Ani kho khäl che hom kho huih awlaw awhmawi che khangsi hmawi huih louhwei hüt. Äi hnaga len la upum käh dogo, nawn awlaw tha äi philu a pek.

Hnadaga a kelehyeih saw koong awlaw awbawrieyeih saw koong äi philu a äkräu hnängaih saw ikhin Hnadaga la pek. Ani hligip gala khraw hnih isi tha huih biyeih hnäng saw koong dogo pek hmuei.

Äi pänäng äi philu uluki hngat äng üdü hnäng nawkaih saw awnaw saw la mäi saw kuhmuh. Äini äi awnaw saw awpawiyal chak hüt. Äidä luhdül äng käh khrawng maw chak ula philu hnung hnung äng ini chet.

Äi pänäng kei awlaw hngat philu dül känäng kawi bala losaw kuhmuh. Samphomah chaw huih ani a iki pai hnih mäi hüt. Awlaw ani sam che hnaga sam huih mäi hüt. Täkchah mret känäng kawi tih philu huih ni dül känäng kawi tih philu la ha dogo sumei hüt. Äi dogo äng luhdül äng käh khrawng khäl kheni la, äi naw bünei saw pawiyal hüttih philu a ini rosiyeih koong tha poh hüt.