Popular Bible Verses from Mathi 13

Share

Äini dek pawi äng kraw saw chih che, äi huih khrawng khäl kheu hawu pek hmuei saw, anih la äi Hnadaga kheu khin ula ini yawk chu. Anih chät pawitih ichih huih thunggip, sokgip, khra ak theih theitih äng ini tu.”

Ihling khrak dukäng kraw saw ichih che, äi huih khrawng khäl kheu hawu pek hmuei saw, anih la Hnadaga kheu ini khin, äini lawgah khrang äng kongrah ula awlaw kähkän ini khetnawk saw äng kramei ini hmuei. Äi koong kongrah ula äi kheu khäl ekepei nawal awlaw thei hnäng u.

Lawm äng kraw saw ichih che, äi huih khrawng khäl kheu hawu hmuei saw, anih la Mawng pre kheu ini khin, äini yaw chu u. Äidä Mannat lo bala anih lung äng ini tawkei saw kheu khäl lawkeyal chak.

Lungpel bälei saw la äng kraw saw ichih che, äi huih khrawng khäl kheu hawu pek hmuei, anih la tana kra äng äi kheu khäl awpiyaw äng ini lawkei. Äini äi kheu anih lung dukäng mäyah, äi Hnadaga kheu kraw ak koong anih lung äng mäi. Iyaäm anih che äi yungpa dek dukäng chet hnängah tih huih dä. Hnadaga kheu ini yumei koong dukhah la kuluh nawk ini hmuei khaw a, äi khrawng khälla Hnadaga a ini yumei saw alanda ini dümal.

“Hawna käh mawng pre che lai äng ini thuh saw kähkän huih dä. Khrawng hngat la äi bün pänäng awlaw thup bala awtawkal. Äi pänäng äi khrawng thasa piyaw bala äi lai ehleye yeih koong ani a mäi saw hang hang vawn khäl jeal chak bala äi lai a hleye al.”

Awlaw awvawng chih che dek pawi saw lai äng kraw. Äi chih chät bala ochom awlaw etheih thei. Äi ichih känäng awvawng che äkräng thunggip, awvawng che äkräng sokgip, awlaw awvawng äkräng khra ak etheih thei.”

Tan hmueiyah saw sawgraw bel la püm utu chom sawk khäl. Tan khin thänei khaw, ayang bel lum chula mei äng ini chawh aih koong echeng chaw khon khäl ting tantih a katakai. Äi pänäng etheih ini lumalaih saw katakai.’ ”