Popular Bible Verses from Yakub 3

Share

Äini hawn pre känäng lo saw ngen che ekejet la jelkhiyamsa. Äi äng mäisaw chunei hnäng saw la änäuwei saw. Äiche ekhetjen la awpawi bi äng uluih, nüm chawng chawng la pawyah saw khrang mäyah.

Nangnih dukäng ngen la prengya mawh u äm? Ani käh akhrang pawi sawk la ngen känäng thok bala lo saw oprongh saw bi dawnei seh.

Ula bang jelkhiyamsa hlüei äm, ani la jelkhiyamsa äng käh ichih chäh awlaw äi ichih äng käh theih che oprongh saw sawk.

Iyaäm mawnga bang hmukhih chu saw la nini pum jiji nini sotei saw mäi äm äiya ukhru saw la pawyah saw üküt bi ni ämäi.

Nangkei ini mongkhok äng dä Boi Hnadaga a piyaw ni pek, awlaw nini mongkhok äng dä Hnadaga la Ani huih ibisaw khrawnga nangkei ini sayei. Nangkei mongkhok hngat känäng äkiyä la sayei pai hnih ini thoh. Nube tanawu khälo, ni huih ni poh saw tawnah.

Äi huih nelei ha mei huih. Nangkei kantha äng mäi saw vawn kheni äng nelei ni pawyahtih sum. Ngulai vawm äng ni nelei la nakantha kheni akhrah chak awlaw awsawk lawm äng mei ochoi.

Äini hngat khrawng la ha ini lei a khiyup ula taw hngäng u. Äi üdüm chaw mäyah, pawyah saw la kehse saw sip äng luih.

Nube tanawu khälo, nangnih dukäng ükütni choktih thäniyei chu. Iyaäm nangnih nini hmawt khäh, nangkei choktih ni thänei koong awhngaw khäl thawka nangkei a ama saw tara thäneyei.