Popular Bible Verses from Yakub 1

Share

Khetsu nube tanawu khälo, nangnih yapyap chawmsi äng nini kraw thän mawt awpiyaw äng dä lawei bäichu. Iyaäm nangnih nini hmawt khäh nangnih käh yum chawm hmuyei saw äng nangnih käh nini chunei hnäng saw tha changai.

Ua bang engen mäyah äm, äila Hnadaga känäng hawuvei seh, Hnadaga la äiya ulung phranei bala pekaih saw dä. Iyaäm Ani che ekhet hmawh, hawuei tih kheni a Ani la ulung känäng pek khäh.

Kei käh khetsu nube tanawu khälo, ni kheu nini lung äng tawei bäichu, nangnih khenila ayang nini khinaih lah maw saw dä. Sidih äng kräu bäichu awlaw jot ting nini man pokaichu.

Äi nini chunei hnäng saw tha a nangnih sawkäng ekejet sumei bäichu. Nangnih ma hnäng mawna awlaw achang thän hnäng hmawna. Nangnih käh mäichoh khrang äng iha nini laisaw mäyah pak.

Hnadaga kheu jiji khin chula ki thaw nawh, äi huih bi ha nini biyeih lah saw dä. Hnadaga kheu jiji khin chula dä ai huih bi kawi chu khaw, nangnih kantha dä nangnih nini kramei tun saw.

Chawm hmuyei khaw a ula chunei bala mäi hnäng äm, äiche pisih bünei tih. Iyaäm chunei bala dä mäi hnäng khaw che, ani a Hnadaga la pekaih saw khawmei hüt saw sawk pekai. Hnadaga a khetnawtih khälla ni sawk pekaih saw khawmei.

Awpawi la ekejet vawn kheni hawn känäng dä lo saw. Niche hawn äng käh awa bitih Paw Hnadaga känäng lo saw. Ani che hiyungtih ihip huih hleyalah.

Hnadaga kheu khin ula äi huih dä bi kawi u khaw, äi khrawng che hmrang äng awhmawi soei tih khrawng huih. Hmrang äng awhmawi soei bala chetal pänäng hngih lal chak.

Hmeinu la ngawkah chaw khäl dukhah äng ini mäi khaw a, nosot khre saw la awlaw luhdül äng pawyah saw bi nosongei saw ni Paw Hnadaga mikäng ekejet rosi saw.

Pawyah saw bi nini biyeih saw nini lung äng kawi khaw a hngat la ha hawu ah heh u, “Hnadaga la kei a ngulai pawh a ichih.” Pawyah saw bi la Hnadaga a ngulai pawtäng chih sawk hnängah, awlaw Hnadaga la hngata ha ngulai pawh a chiyah. Luhchaw la ulung hlü la dä ngulai pawh äng chih saw awlaw kawl äng kraw saw.

Mawng uyum mawh sanglaisu la Hnadaga a hlen äm, ani piyaw heh.