Popular Bible Verses from 2 Pitol 2

Share

Nangnih nini hawu, Ani käh khrawng khäla phi känäng iba khiyawtalaih lah saw äm ting Hnadaga la hmawt khäh. Ani la äpäihyeih saw hnüp äng pawyahtih khrawng khäla tara biyeih koong ächän tawk.

Iyaäm asanh chang saw lawm hmawt ula äi känäng ini krawnalaih saw thawka, anih la äi asanh chang lawm hmawtaih usaw bang awpawyeih saw dä. Kheu äng bang mäi saw kheu khäl anih koong ihisaw a thänei, “Ui olok saw pawta hle eiyal, awlaw tui nohloh sawk däk saw wok nu kiyup äng ähläweyal.”

Ni hiyah saw choktih khälla ini sitha huih khrawng khäla ini mäichoh aih saw ini tak. Äini anih ini pum kädäng bang pawyah saw bi kawi äng käh hngasaw. Ula bang nanga ini sitha nawkäm nang äi käh hngasaw.

Boi Yĕsu Krito a hmawt ula luhdül äng käh pawyah saw känäng lätal tih khrawng khäl ha awbawng ini mäi khäh. Äini anih awlaw luhdül äng käh pawyah saw pawta awlaw ini krawnal. Äihi anih la luhdül äng käh pawyah saw khrang dä hiyänal u hi, achah khaw a ini khom saw thawka äpäih khaw a unung ini khomalaih.

Ayang äng ha Isawlael yapsaw dukäng hiyah saw sidawng hiyawktih ini mäi hüt. Äi huih kawchawng chawng awmaw äng ha, nangnih dukäng hiyah saw choktih ini loaih saw dä. Anih käh hiyah saw chok hawu äng khrawng ini krak nawkai. Awlaw anih a khiyawtal tih Boi Yĕsu a ha ini thuh nawkai. Ni huih äng anih la bet ting ini puma ini khrah eiyei.