Popular Bible Verses from 1 Timothi 6

Share

Hnadaga a nuyum saw koong nawsawk pek tila Ani koong jal khawm bäi. Mawng päihyah saw sawk koong Hnadaga la ini bekei hütäm, äi päihyah saw sawk dä sin tila mäi bäi. Mawng khäl bang nang awbawng khrawng hmawi mawh a yumtih ting mawmawt chaw naw khawmei hütäm.

Iyaäm awmawna ini khetnawk saw che üküt üküt pawyah saw bi chou. Aw vawng la awmawn ini lawphah koong konghmuh lawm känäng hlaeiyal ula upuma chimchaw äng sunei hi, ujuei saw huih dukhah len äng ini khraw kei.

Äini ihisaw konghmuh lawm äng nulung nümak nini mäi hi, nini mratai.

Iyaäm luhdül äng ini lo khaw a, nangkei iha lo ei pu, awlaw ini chetal khaw a ha, ini kon äng iha chiyei yal hnäng hnawh pu.

Luhdül äng käh mäi chawtih khäla khawmaih hiyahtih kähkän äng bawriyeih u saw awlaw ümaih u saw hawu pek. Äini Hnadaga khrung äng dä üm seh u. Awlaw Ani la nangkei a ini piyaw aih koong ükütni ichip pranh bala khrawng hlu.

Äini mawng khrawng mäichawtih äthäneyeih khiyang äm, äi khrawng chawmsi äng kraw. Awlaw ämäkaih saw la upum krakaih saw lung hlü äng käh kawl äng kraw. Äi khälla anih a akhrah awlaw düsaw lawm pawh a ichih.

Mäi chawtih khäla hawu pekbäi, anih la khrawnga kumei hmawna, bi pawi jiji äng mäi hmawna, ichip pranh bala hlu hmawna awlaw upum käh kähkän känäng aw hngaw a lung hlü äng pek hmawna. Ni huih dä awhmawi mawh äng ochou huih kähkän ini tawkeiyeih lah saw. Äihi che ihisaw sawk mawn bala tawkei hnängai.