Popular Bible Verses from 1 Timothi 3

Share

Iha ini hiyeih saw taweiyah pak, ni hnäh nangkei käh uthuk äng käh ihisaw yum. Krito luhchaw thänei bala luhdül äng olo, Ani dä ihisaw ting Asanh chang Khraw la sanh sanh awdawn. Hawn natchaw khälla Ani a ini hmuh, üküt yapsaw khäl khäka Ani kheu khrawng khälla ini hawu hüt. Luhdül äng käh khrawng la Ani a ini yumei hüt. Awpiyaw äng Ani a lawk hmueiyal hüt.

Hngat la ha ese ta hnänga pak dä gongsong mäyeih lah saw. Ani a iphiya hngat dä mäyeih lah saw. Ani la akantha songeyeih lah saw awlaw ani la ngen pawi tawkeiyeih lah saw. Ani nüm chawng tih thäneyeih lah saw awlaw gawlba teh long awpawi piyeih lah saw. Khrawng khäla chok khrang ha aw hmawtaih lah saw.

Ani la i imsaw mawtchaw thin khiyong ngeyeih lah saw. Ani a chaw chuhnu la hmawi pek hmawna awlaw ngei hmawna mäiyeih lah saw.

Dikawna ha iphiya hngat dä mäyeih lah saw. Ani la mawmawt chaw awchaw chuhnu la im thong thin khiyongei hnäng hmaw na. Mawng Dikawn la mawmawt chaw bi äm, ani la awhngaw khrawng khäl känäng hmawi bünei awlaw Yĕsu Krito khrung äng anih käh yum ha changai.