Popular Bible Verses from 1 Timothi 1

Share

“Krito Yĕsu la ngulaisu khälla khiyawtalaih koong luhdül äng olo hüt.” Ni kheu khäl ihi khäh awlaw yumaih phüh mäi khäh. Awlaw kei awhngaw ngulaisu khäl thawka ngulaisu len.

Äini Hnadaga la kei a ejenei. Äi koong kei ngulaisu len thän ha, Krito Yĕsu la kei a usumei bala üküt thawka chunei hnäng tih sum huih awdawnei. Äihi awhngaw khrawng khälla Ani a ini yumaih saw la päihyah saw sawk ini büneyei ting kei a so ula ini chok nawkai.

Ni kanang hawu pek saw che ekhet mäi hmawna. Ni ekhet che ulung pawi la tawk pawi awlaw ihisaw yum känäng olo saw.

Üküt thawka kenkeh mawh la awpiyaw äng luih tih Hnadaga, awpiyaw äng sawkbrat luih bala mäiseh! Ani dä sawkbrat Mawng, krängak ha düah tih la dawngah tih Mawng. Ani dä hngat pätpät chaw Hnadaga. Amen.

Nangkei ni ha ini hmawt, konghmuh sang koong ni thung pek hmuei yah. Äini thung tämahtih la pawiyah saw hmawt pe ha bi bitih la pawyahtih awlaw Hnadaga a yumeyah tih la ngulaisu khäl koong dä pek hmuei saw. Awlaw ni khäl che soutih la Hnadaga a keh khrang hmawtah tih khäl koong awlaw khrawng tutih la unupaw a bang tutih khrawng khäl koong dä. Awlaw thung che ni huih khrawng khäl koong yok hmuei. Mawng khrawng khäl ini mik sawuvei äm awlaw khrawng krak äm, u khrawng mawntih äm, hlei tih awlaw tara yunga eheng sawksi thoktih awlaw ihisaw ini choksaw pawtäng mäyahtih a dä pek hmuei saw.