Popular Bible Verses from 1 Thisaloni 5

Share

Sawkbrat awpiyaw äng mäi bäichu. Sawkbrat suh tongei bäichu. Awlaw lala lup nini mäi khaw a ha Hnadaga a äkiyä tawngei bäichu. Iyaäm Krito Yĕsu äng dä ni khäl Hnadaga käh lung hlü.

Jelkhiyamsa khrawng pektih Hnadaga la hang hang äng ni achang anang po seh awlaw nangkei käh Boi Yĕsu Krito lo alaih khaw a nangnih käh kantha, awkhraw awlaw lung epret mäyah pak po seh. Nini lung äng tawei bäichu, ula nangnih a anang panei äm Ani äng nini üm hnäng khäh. Ani la äi poh khäh ai.

So bäichu, epret chaw a hngat la ha epret poa lah pak. Nangnih sawkbrat ni hngat la hngat koong awlaw awhngaw khrawng khe koong awpawi nini poh aih saw hno ei bäichu.

Äi koong nangnih tua ihuih nini poh äm, äi huih hngat la hngata ulyah pekei khäl awlaw kuei khäl.

Nube tanawu khälo, nangnih a ni kanang chok hawu, dawmtih khäla sidih pek bäichu, sengkhri mäyahtih khäla sengkhri pek bäichu, ngiyawtih khäla ku bäichu awlaw hang hanga chunei chula mäi bäichu.

Dam ini büneyeih koong hiyah awlaw bang nangkei käh Boi Yĕsu Krito äng khiyawt ini büneyalaih koong Hnadaga la nangkei koong po bala tawk khäh.

Nangnih che hang hang ni awa la ühnüp äng käh khrawng dä. Nangnih che awyawn hiyah thän uhiyung äng käh khrawng hi chu.