Popular Bible Verses from 1 Pitol 1

Share

Nangkei Hnadaga a awlaw Boi Yĕsu Krito käh Paw a äkiyä tawngei äng khä! Iyaäm Hnadaga käh khetjen la nangkei a sawk tha khrawng pekal. Iyaäm Hnadaga la Yĕsu Krito a düsaw känäng thouwal bala Ani käh jen äng nangkei a sawk tha khrawng pekal. Hnadaga la nangkei koong asang bang krakah tih, thu ah tih, krokalah tih pisih hawna tawk.

Nangnih ayapyap lawma tana krachaw koong dukhah nini khawm tun thän, äi pisih khäl koong piyaw khäl. Ni chawmsi la nangnih käh yum chawmai. Ha kraktih thän mei äng chawm hmuei. Äi huih ni, ha thawka bang khawk tih nangnih käh yum ha krängak ha päih tiyah hmawna chawm hmueiyeih saw tawn. Äihi Yĕsu Krito dawngal saw hnüp äng nangnih awpiyaw, a wachang awlaw hmawi nini büneyalai.

Äichaw a, nangnih a anang paneitih Hnadaga asanh chang saw huih, nangnih käh bi kawi ha asanh chang seh. Iyaäm Kiyam äng yoei bala mäi khäh “Nangnih asanh chang thänei khäl, iyaäm kei ha kasanh chang khäh.”

Hnadaga a ngei khäl. Nangnih ayang äng käh ese saw kiyangh khäl tämaichu. Äi khaw a nangnih Hnadaga a hmawt hüt chu.

Äi koong, nangnih nini biyeih saw koong nini lunga ächän tawei khäl. Sidih äng mäi khäl awlaw Yĕsu Krito oloal khaw a nangnih a pek hmueiyeih saw pisih khrung äng üm chula mäi bäichu.

Iyaäm kiyam la hawu, “Khrawng khäl bel huih dä, ani käh a wachang apa huih dä, bel jawi khaw apa jutal. Äini Boi käh kheu sawkbrat mäi.” Ni sidawng pawi dä nangnih khäka hiyawk hmuei saw.